પંજાબના મુખ્યમંત્રી ચરણજીત સિંહ ચન્નીએ ગુરુવારે તેમના સુરક્ષા કવચમાં ઘટાડો કરવાની જાહેરાત કરી હતી અને કહ્યું હતું કે તેમને તેમના પોતાના ભાઈઓથી બચવવા માટે સેના કે સુરક્ષાની જરૂર નથી. પંજાબના નવા મુખ્યમંત્રી ચરણજીત સિંહ ચન્નીએ કહ્યું છે કે મુખ્યમંત્રી બન્યા બાદ તેમને એવું લાગ્યું કે જાણે તેઓ જેલમાં છે. તેમણે પોતાની સુરક્ષામાં લાગેલા વાહનો અને સુરક્ષા કર્મચારીઓને જોતા કહ્યું હતું. તેમના વાહનોના કાફલાની સુરક્ષા માટે એક હજાર સુરક્ષા કર્મચારીઓ તૈનાત કરવામાં આવ્યા છે.
પોતાના સુરક્ષા કવરમાં ઘટાડો કરવાની જાહેરાત કરતા પંજાબના નવા મુખ્યમંત્રીએ કહ્યું કે, “હું તમારામાંનો એક છું અને મને મારા પોતાના ભાઈઓથી બચાવવા માટે 1000 સુરક્ષા કર્મચારીઓની સેનાની જરૂર નથી.”
તેમણે કહ્યું, “VIP હોવાનો શું ફાયદો ? જ્યારે હું મુખ્યમંત્રી બન્યો ત્યારે હું મારી જાતને અપરાધી માનવા લાગ્યો. હું એક વિશાળ ભીડ દ્વારા એસ્કોર્ટ કરવામાં આવ્યો હતો. મેં અધિકારીઓને સુરક્ષા ઘણી ઓછી કરવા કહ્યું, હું એક આઝાદ માણસ છું, મને કોણ મારશે. ?મારે વધારે પડતી સુરક્ષાની જરૂર નથી.
પંજાબની એક યુનિવર્સિટીમાં પોતાના સંબોધન દરમિયાન, ચન્નીએ અતિશય સુરક્ષાને સરકારી સંસાધનોનો બગાડ ગણાવ્યો. ચન્નીએ ઉલ્લેખ કર્યો કે તે ભવ્ય જીવનશૈલીનો શોખીન નથી અને ઉમેર્યું કે તેમણે અધિકારીઓને તેમના કાફલાની રચના કરતા વાહનોમાં ઘટાડો સુનિશ્ચિત કરવા પણ કહ્યું છે.
ગયા સપ્તાહની શરૂઆતમાં, અનેક રાઉન્ડની વાટાઘાટો બાદ, કેપ્ટન અમરિંદર સિંહના રાજીનામા બાદ કોંગ્રેસ હાઇકમાન્ડ દ્વારા ચન્નીને નવા મુખ્યમંત્રી માટે પસંદ કરવામાં આવ્યા હતા. આ ઘટનાઓ 2022 પંજાબ વિધાનસભા ચૂંટણીના થોડા મહિના પહેલા બની છે.
પિતૃ પક્ષ 2021 / માતાપિતા જીવંત હોય ત્યારે તેમની શ્રદ્ધા અને આદર પૂર્વક સેવા એજ સાચુ શ્રાદ્ધ…
