Rahul Gandhi New Youth Leadership Strategy: કોંગ્રેસમાં સંગઠનને નવી દિશા આપવા માટે મોટા પાયે ફેરફારની પ્રક્રિયા શરૂ થઈ છે. લોકસભામાં વિપક્ષના નેતા રાહુલ ગાંધી પાર્ટીમાં યુવા અને સક્રિય નેતાઓને આગળ લાવવાની કવાયત કરી રહ્યા છે. રાષ્ટ્રીય સચિવોની નવી ટીમ તૈયાર કરવા માટે પસંદગી પ્રક્રિયા શરૂ કરવામાં આવી છે, જેમાં નેતાઓની વરિષ્ઠતા કરતાં તેમની જમીની કામગીરી અને સંગઠન માટેના યોગદાનને વધુ મહત્વ આપવામાં આવી રહ્યું છે.

Rahul Gandhi અને પ્રિયંકા લઈ રહ્યા છે ઈન્ટરવ્યૂ

રાષ્ટ્રીય સચિવ પદ માટે દેશના વિવિધ રાજ્યોમાંથી શોર્ટલિસ્ટ કરાયેલા નેતાઓને દિલ્હી બોલાવવામાં આવ્યા છે. રાહુલ ગાંધી(Rahul Gandhi) સાથે પ્રિયંકા ગાંધી અને કોંગ્રેસના સંગઠન મહાસચિવ કે.સી. વેણુગોપાલ પણ આ પ્રક્રિયામાં સામેલ છે. નેતાઓના ઈન્ટરવ્યૂ નાના જૂથોમાં લેવામાં આવી રહ્યા છે. તાજેતરમાં રાહુલ ગાંધી અને પ્રિયંકા ગાંધીએ 30 નેતાઓ સાથે ઈન્ટરવ્યૂ કર્યા હતા. રાહુલ ગાંધી પોતાના પ્રશ્નો દ્વારા નેતાઓની અગાઉની કામગીરી, સંગઠન સાથેનો સંપર્ક અને રાજકીય સક્રિયતા અંગે માહિતી મેળવી રહ્યા છે.

રિપોર્ટ કાર્ડના આધારે થશે પસંદગી

આ પસંદગી પ્રક્રિયામાં માત્ર ભલામણ(Rahul Gandhi) અથવા રાજકીય ઓળખને આધારે નિર્ણય ન લેવાનો અભિગમ અપનાવવામાં આવી રહ્યો છે. જે નેતાઓ લાંબા સમયથી મેદાનમાં સક્રિય છે, કાર્યકરો સાથે જોડાયેલા છે અને સંગઠનને મજબૂત બનાવવામાં સક્ષમ છે, તેમને પ્રાથમિકતા આપવાની દિશામાં કામ થઈ રહ્યું છે. રાષ્ટ્રીય સચિવના આશરે 120 પદ માટે નેતાઓના ઈન્ટરવ્યૂ લેવામાં આવવાના છે. પાર્ટીના ‘સંગઠન સર્જન’ કાર્યક્રમમાં ઓબ્ઝર્વર તરીકે કામગીરી કરી ચૂકેલા નેતાઓને પણ મહત્વ આપવામાં આવી રહ્યું છે.

60 ટકાથી વધુ સચિવો બદલવાની તૈયારી

કોંગ્રેસ સંગઠનમાં મોટા ફેરફાર હેઠળ હાલના 60 ટકાથી વધુ રાષ્ટ્રીય સચિવોને બદલવાની તૈયારી હોવાના અહેવાલ છે. નવા ચહેરાઓને તક આપીને પાર્ટીમાં યુવા નેતૃત્વ ઊભું કરવાનો પ્રયાસ થઈ રહ્યો છે. રાજ્યથી લઈને જિલ્લા સ્તર સુધી પણ નવા અને યુવા નેતાઓને જવાબદારી સોંપવામાં આવી રહી છે. રાહુલ ગાંધી(Rahul Gandhi) રાજકારણમાં આવ્યા ત્યારથી જ કોંગ્રેસમાં પેઢી પરિવર્તન અને યુવાનોને આગળ લાવવાનો મુદ્દો ઉઠાવતા રહ્યા છે. યુથ કોંગ્રેસ અને NSUIમાં પણ ભૂતકાળમાં ઈન્ટરવ્યૂ આધારિત પસંદગીનો પ્રયોગ કરવામાં આવ્યો હતો. અગાઉ પાર્ટીના જૂના નેતાઓ અને આંતરિક મતભેદોને કારણે આ પ્રકારના ફેરફારોને પડકારોનો સામનો કરવો પડ્યો હતો. પરંતુ હવે કોંગ્રેસમાં સંગઠનાત્મક સ્તરે નવા ચહેરાઓને સ્થાન મળતું જોવા મળી રહ્યું છે.

દેશભરમાંથી યુવાનોને તક આપવાનો પ્રયાસ

રાષ્ટ્રીય સચિવોની નવી ટીમ દ્વારા વિવિધ રાજ્યો અને સમાજના અલગ-અલગ વર્ગોમાંથી આવતા યુવા નેતાઓને તક આપવાનો પ્રયાસ છે. કોંગ્રેસનું ધ્યાન એવા કાર્યકરો પર છે જેઓ લાંબા સમયથી જમીન પર કામ કરી રહ્યા છે. હવે જોવાનું રહેશે કે રાહુલ ગાંધીની(Rahul Gandhi) આ નવી સંગઠનાત્મક ટીમ કોંગ્રેસને આગામી ચૂંટણીમાં કેટલી નવી ઊર્જા આપી શકે છે.

આ પણ વાંચો: 2029માં PM પદને લઈને વિજયના નામની ચર્ચા તેજ, કોંગ્રેસ અને TVK વચ્ચે વધ્યો વિવાદ

આ પણ વાંચો: પરિસીમન મુદ્દે મુખ્યમંત્રી વિજયની સર્વદલીય બેઠકનો બહિષ્કાર, 57માંથી 37 સાંસદ ગેરહાજર

આ પણ વાંચો:રાહુલ ગાંધીની PM દાવેદારી પર ઈન્ડિયા બ્લોકમાં મતભેદ, CPMએ કોંગ્રેસને આપી ટકોર