INDIA Bloc PM Candidacy Controversy: ઈન્ડિયા બ્લોકમાં 2029ની લોકસભા ચૂંટણીને લઈને વડાપ્રધાન પદના ચહેરા અંગે ચર્ચા તેજ બની છે. કોંગ્રેસ રાહુલ ગાંધીના નામને લઈને મક્કમ દેખાઈ રહી છે, પરંતુ ગઠબંધનની કેટલીક સહયોગી પાર્ટીઓએ આ મુદ્દે અલગ વલણ અપનાવ્યું છે. ખાસ કરીને દક્ષિણ ભારતમાં કોંગ્રેસના સાથી પક્ષોમાંથી જ રાહુલ ગાંધીની દાવેદારી સામે સવાલો ઉઠી રહ્યા છે.

દક્ષિણ ભારતમાં કોંગ્રેસ માટે પડકાર વધ્યો

2024ની લોકસભા ચૂંટણીમાં રાહુલ ગાંધી ઈન્ડિયા બ્લોકના(PM Candidacy) મુખ્ય ચહેરાઓમાં રહ્યા હતા. કોંગ્રેસે આ ચૂંટણીમાં અગાઉની ત્રણ લોકસભા ચૂંટણીની સરખામણીમાં સૌથી વધુ 99 બેઠકો મેળવી હતી. આમાંથી 42 બેઠકો દક્ષિણ ભારતમાંથી મળી હતી. જોકે હવે આ જ પ્રદેશમાં ગઠબંધનના કેટલાક પક્ષો 2029 માટે રાહુલ ગાંધીને સીધા વડાપ્રધાન પદના ઉમેદવાર તરીકે સ્વીકારવા તૈયાર ન હોવાનું સામે આવી રહ્યું છે.

CPMએ કહ્યું- નિર્ણય હજુ થયો નથી

CPMના મહાસચિવ એમ.એ. બેબીએ કોંગ્રેસના વલણ પર સ્પષ્ટ અસહમતિ વ્યક્ત કરી છે. તેમના કહેવા પ્રમાણે ઈન્ડિયા બ્લોકે હજુ સુધી કોઈ એક નેતાને વડાપ્રધાન પદના ઉમેદવાર તરીકે પસંદ કર્યો નથી. ચૂંટણી પહેલાં જ રાહુલ ગાંધીનું નામ નક્કી કરી દેવું યોગ્ય નથી. તેમણે દલીલ કરી કે ઈન્ડિયા બ્લોકનો મુખ્ય હેતુ ભાજપની આગેવાનીવાળી સરકારને ચૂંટણીમાં પડકારવાનો છે. જો ગઠબંધન ચૂંટણીમાં સફળ થાય, ત્યારબાદ સાથી પક્ષો સાથે ચર્ચા કરીને વડાપ્રધાનના(PM Candidacy) નામ અંગે નિર્ણય લેવો જોઈએ.

તમિલનાડુમાં વિવાદે લીધો વેગ

આ વિવાદની શરૂઆત તમિલનાડુમાંથી થઈ હતી. ટીવીકેના ધારાસભ્ય કણિમોઝી સંતોષે પાર્ટીના પ્રમુખ અને તમિલનાડુના મુખ્યમંત્રી સી. જોસેફ વિજયને 2029માં વડાપ્રધાન પદ(PM Candidacy) માટે મજબૂત ચહેરા તરીકે રજૂ કર્યા હતા. તેમણે કહ્યું હતું કે રાહુલ ગાંધી પણ વિજયને વડાપ્રધાન બનાવવામાં મદદ કરશે.

કોંગ્રેસે રાહુલ ગાંધીના નામ પર સ્પષ્ટતા કરી

ટીવીકેના આ નિવેદન બાદ કોંગ્રેસે તરત જ પોતાનું વલણ સ્પષ્ટ કર્યું હતું. તમિલનાડુ કોંગ્રેસના અધ્યક્ષ મણિકમ ટાગોરે કહ્યું હતું કે પાર્ટી રાહુલ ગાંધીના નામ સાથે કોઈ સમાધાન કરવા તૈયાર નથી. CPMનું માનવું છે કે ગઠબંધન ચૂંટણી જીતે ત્યારબાદ જ વડાપ્રધાનના(PM Candidacy) નામ પર ચર્ચા થવી જોઈએ. પક્ષે પૂર્વ વડાપ્રધાન મનમોહન સિંહનું ઉદાહરણ આપતા કહ્યું કે તેમનું નામ પણ અગાઉથી નક્કી કરવામાં આવ્યું નહોતું. આ મુદ્દે કોંગ્રેસ અને તેના સાથી પક્ષો વચ્ચે 2029ની ચૂંટણી પહેલાં જ મતભેદ વધુ ઘેરા બનવાના સંકેતો મળી રહ્યા છે.

આ પણ વાંચો: 2029માં PM પદને લઈને વિજયના નામની ચર્ચા તેજ, કોંગ્રેસ અને TVK વચ્ચે વધ્યો વિવાદ

આ પણ વાંચો: પરિસીમન મુદ્દે મુખ્યમંત્રી વિજયની સર્વદલીય બેઠકનો બહિષ્કાર, 57માંથી 37 સાંસદ ગેરહાજર

આ પણ વાંચો:સુપરસ્ટાર થલાપતિ વિજયે કરી રાજકારણમાં એન્ટ્રી, બનાવી પોતાની નવી પાર્ટી