Meteorological department forecast; દિલ્હી-એનસીઆર સહિત ઘણા રાજ્યોમાં સતત બીજા દિવસે ગાઢ ધુમ્મસ જોવા મળી રહ્યું છે. સોમવાર રાતથી ધુમ્મસ શરૂ થઈ ગયું હતું અને મંગળવારે સવારે તે ગાઢ બન્યું હતું. મંગળવારે સવારે ધુમ્મસના કારણે કેટલીક જગ્યાએ વિઝિબિલિટી શૂન્ય થઈ ગઈ હતી. હવામાન (IMD) વિભાગ દ્વારા જણાવવામાં આવ્યું છે કે આગામી દિવસોમાં ધુમ્મસ આ રીતે જ રહેશે. હવામાન વિભાગ દ્વારા એમ પણ કહેવામાં આવ્યું છે કે આવતીકાલે એટલે કે બુધવાર, 11 જાન્યુઆરી અને ગુરુવાર, 12 જાન્યુઆરીએ દિલ્હી સહિત કેટલાક રાજ્યોમાં હળવો વરસાદ પડી શકે છે. વરસાદના કારણે તાપમાનમાં વધુ ઘટાડો જોવા મળી શકે છે. ગાઢ ધુમ્મસના કારણે આજે પણ ઘણી ટ્રેનો મોડી ચાલી રહી છે. દિલ્હી, પંજાબ, હરિયાણા, ચંદીગઢ અને ઉત્તર પ્રદેશના ઘણા જિલ્લાઓમાં ગાઢ ધુમ્મસ જોવા મળી રહ્યું છે
મંગળવારે સવારે સતત બીજા દિવસે પણ લોકોને ગાઢ ધુમ્મસ જોવા મળ્યું હતું. દિલ્હીના (DELHI) રસ્તાઓ પર સવારમાં લાઇટો ચાલુ રાખીને વાહનો ધીમી ગતિએ જતા જોવા મળે છે. હવામાન વિભાગના જણાવ્યા અનુસાર રાજધાની દિલ્હી સહિત હરિયાણા, પંજાબ અને યુપીમાં 11-12 જાન્યુઆરીએ હળવા ઝરમર વરસાદ જોવા મળી શકે છે. જ્યાં આ રાજ્યોમાં હળવા વરસાદની વાત છે, ત્યાં જમ્મુ-કાશ્મીર અને હિમાચલમાં ભારે હિમવર્ષા થવાની આગાહી છે. હવામાનશાસ્ત્રીઓના મતે બે વેસ્ટર્ન ડિસ્ટર્બન્સ વચ્ચેના મોટા ગેપને કારણે લાંબા સમય સુધી તીવ્ર ઠંડી જોવા મળી રહી છે.
સામાન્ય રીતે બે વેસ્ટર્ન ડિસ્ટર્બન્સ વચ્ચે 3 થી 4 દિવસનું અંતર હોય છે, પરંતુ આ વખતે આ અંતર વધીને સાત દિવસનું થઈ ગયું છે. એક વેસ્ટર્ન ડિસ્ટર્બન્સ 30 ડિસેમ્બરે પાછો ફર્યો અને બીજો 7 જાન્યુઆરીએ પ્રદેશમાં પહોંચ્યો. તેને સાદા શબ્દોમાં સમજીએ તો બરફથી ઢંકાયેલા પહાડો પરથી આવતા ઠંડા પવનો સામાન્ય કરતાં વધુ સમય સુધી ચાલી. હવામાન વિભાગના જણાવ્યા અનુસાર આગામી 24 કલાકમાં પંજાબ, હરિયાણા, ચંદીગઢ, દિલ્હી અને ઉત્તર પ્રદેશના ઘણા ભાગોમાં ગાઢ ધુમ્મસ રહેશે.
રાજધાની દિલ્હીને વર્ષ 2013માં આવી ઠંડીનો સામનો કરવો પડ્યો હતો. હવામાન વિભાગનું માનવું છે કે એકાદ-બે દિવસ કોલ્ડવેવમાંથી થોડી રાહત મળશે, પરંતુ 14 થી 15 જાન્યુઆરી વચ્ચે ફરી એકવાર શીત લહેર ફરી વળશે. પંજાબ, હરિયાણા, ઉત્તર રાજસ્થાન સહિત દિલ્હીમાં બુધવારથી વાદળછાયા વાતાવરણ થઈ શકે છે અને 14 જાન્યુઆરીથી કોલ્ડવેવ અને ધુમ્મસ બંને પાછા આવી શકે છે.