Rajpal Yadav Interview: બોલિવૂડના ‘છોટા પેકેટ બડા ધમાકા’ ગણાતા રાજપાલ યાદવ (Rajpal Yadav )છેલ્લા કેટલાક સમયથી મુશ્કેલ તબક્કામાંથી પસાર થઈ રહ્યા છે. ચેક બાઉન્સના જૂના કેસમાં જેલ જઈ આવ્યા બાદ હાલ તેઓ જામીન પર બહાર છે. જોકે, આર્થિક તંગીની ચર્ચાઓ વચ્ચે રાજપાલે સ્પષ્ટ કર્યું છે કે તેમના 30 વર્ષના કરિયરમાં તેઓ ક્યારેય કામ વગર રહ્યા નથી. ફરાહ ખાનના યુટ્યુબ વ્લોગમાં તેમણે પોતાના સોનેરી દિવસોને યાદ કર્યા હતા.

વર્ષ 2000 નો એ યાદગાર એવોર્ડ શો

રાજપાલ યાદવે પોતાની કારકિર્દીની શરૂઆતની તે ક્ષણને યાદ કરી જ્યારે તેમને ઇન્ડસ્ટ્રીના દિગ્ગજો સાથે સન્માનિત કરવામાં આવ્યા હતા. તેમણે જણાવ્યું કે, વર્ષ 2000 માં સ્ક્રીન એવોર્ડ્સમાં:

ઋતિક રોશનને ‘કહો ના પ્યાર હૈ’ માટે બેસ્ટ એક્ટરનો એવોર્ડ મળ્યો હતો.

રાકેશ રોશનને બેસ્ટ ડિરેક્ટરનો એવોર્ડ મળ્યો હતો.

રાજપાલ યાદવને ફિલ્મ ‘જંગલ’ માટે બેસ્ટ વિલન (નેગેટિવ રોલ) નો એવોર્ડ મળ્યો હતો.

રાજપાલે ગર્વ સાથે કહ્યું કે, પહેલા જ વર્ષે ઇન્ડસ્ટ્રીએ તેમને એટલો પ્રેમ આપ્યો કે અત્યાર સુધીમાં તેઓ 200 થી વધુ ફિલ્મો કરી ચૂક્યા છે.

“સલમાન અને અક્ષય મારા વિના કામ નથી કરી શકતા!”

વાતચીત દરમિયાન રાજપાલ યાદવે (Rajpal Yadav ) મજાકમાં પણ મોટી વાત કહી દીધી. તેમણે કહ્યું, “સલમાન ભાઈ અને અક્ષય ભાઈ બંને મારા વિના કામ કરી શકતા નથી, કારણ કે તેમને મારી સાથે કામ કરવું ખૂબ ગમે છે.” નોંધનીય છે કે રાજપાલે (Rajpal Yadav ) રામ ગોપાલ વર્મા, પ્રિયદર્શન અને ડેવિડ ધવન જેવા દિગ્ગજ દિગ્દર્શકો સાથે 50-50 થી વધુ ફિલ્મો કરી છે. તેમણે શાહરુખ ખાન સાથે પણ 4 ફિલ્મોમાં કામ કર્યું છે.

Rajpal Yadav ની ફરાહ ખાન સાથેની મજાક

જ્યારે ફરાહ ખાને પૂછ્યું કે તમે મારી કોઈ ફિલ્મમાં કેમ કામ નથી કર્યું? ત્યારે રાજપાલે (Rajpal Yadav ) હસતા હસતા જવાબ આપ્યો, “તમે મને ક્યારેય મોકો જ નથી આપ્યો! ‘મૈં હૂં ના’ જેવી ફિલ્મનો હિસ્સો બનવાનું કોણ ન ઈચ્છે?”

રાજપાલ યાદવે (Rajpal Yadav ) સાબિત કરી દીધું છે કે ભલે જીવનમાં ગમે તેવા ઉતાર-ચઢાવ આવે, પણ તેમની પ્રતિભા અને કામ પ્રત્યેનો ઉત્સાહ ક્યારેય ઓછો થયો નથી.

આ પણ વાંચો: સુપરસ્ટાર વિજય બે બેઠકો પરથી ચૂંટણી લડશે, બેરોજગારોને ₹4000 આપવાનો TVK નો માસ્ટરસ્ટ્રોક

આ પણ વાંચો:  બંગાળી અભિનેતા રાહુલ બેનર્જીનું શૂટિંગ દરમિયાન દરિયામાં ડૂબી જવાથી મોત, મનોરંજન જગત સ્તબ્ધ

આ પણ વાંચો:હનુમાન જયંતી પર રામાયણનું ટીઝર રિલીઝ, રણબીર-સાઈ પલ્લવીની જોડી અને પૃથ્વીરાજ કપૂર સાથેનું ખાસ કનેક્શન