Entertainment News : ગણેશ ચતુર્થીના પવિત્ર ઉત્સવ પર બોલીવુડની બહુપ્રતિક્ષિત પૌરાણિક ફિલ્મ ‘રામાયણ: ભાગ 1  (Ramayana) ના નિર્માતાઓએ ચાહકોને મોટી ભેટ આપી છે. ગણેશોત્સવના શુભ પ્રસંગે ફિલ્મનું નવું ‘સિયા રામ’ પોસ્ટર સત્તાવાર રીતે જાહેર કરવામાં આવ્યું છે, જેમાં ભગવાન રામના રૂપમાં રણબીર કપૂર (Ranbir Kapoor) અને માતા સીતાના રૂપમાં સાઈ પલ્લવી (Sai Pallavi) નો દિવ્ય તથા પ્રભાવશાળી લુક સામે આવ્યો છે.

Ramayana : સાઈ પલ્લવીના સીતા લુકના થઈ રહ્યા છે મુક્તકંઠે વખાણ

અગાઉ કાસ્ટિંગને લઈને સોશિયલ મીડિયા પર મિશ્ર પ્રતિસાદ મળ્યો હતો, પરંતુ આ નવું પોસ્ટર સામે આવ્યા બાદ વિવેચકો અને ચાહકો અતિ પ્રભાવિત થયા છે.પોસ્ટરમાં સાઈ પલ્લવી માતા સીતાની સાદગી અને દિવ્ય તેજ સાથે નજરે પડે છે, જેને નેટીઝન્સ ખૂબ જ પસંદ કરી રહ્યા છે.ભગવાન રામના રોલમાં રણબીર કપૂર અને માતા સીતા તરીકે સાઈ પલ્લવીની જોડીને સોશિયલ મીડિયા પર ફેન્સ દ્વારા ‘પરફેક્ટ ગ્રેસફુલ કાસ્ટિંગ’ ગણાવવામાં આવી રહી છે.

એ.આર. રહેમાનનું સંગીત અને ‘જય જય રામ’ ગીતની જાહેરાત

મેકર્સે સોશિયલ મીડિયા પર ગણેશ ચતુર્થી નિમિત્તે ફિલ્મની સંગીત સફર શરૂ કરવાની જાહેરાત કરી છે.નિર્માતાઓએ સવારે 7.30 વાગ્યે ‘સિયા રામ’ પોસ્ટર શેર કરીને અનાવરણ કર્યું હતું.ફિલ્મનું પહેલું ગીત ‘જય જય રામ’ ટૂંક સમયમાં રિલીઝ થશે. આ ગીતનું સંગીત ઓસ્કાર વિજેતા એ.આર. રહેમાન (A.R. Rahman) એ આપ્યું છે, જ્યારે બોલ ડૉ. કુમાર વિશ્વાસે લખ્યા છે.આ ભક્તિમય ગીતને દેશના પ્રખ્યાત ગાયકો અરિજિત સિંહ અને શ્રેયા ઘોષાલ ના અવાજમાં સજાવવામાં આવ્યું છે.

સ્ટારકાસ્ટ અને રિલીઝ ડેટ

નિતેશ તિવારીના નિર્દેશનમાં બની રહેલી આ ફિલ્મ ભારતીય સિનેમાની સૌથી ભવ્ય અને મેગા બજેટ ફિલ્મોમાંથી એક માનવામાં આવે છે.રણબીર કપૂર (ભગવાન રામ), સાઈ પલ્લવી (માતા સીતા) ઉપરાંત દક્ષિણ ભારતના સુપરસ્ટાર યશ રાવણના શક્તિશાળી પાત્રમાં જોવા મળશે.આ ભવ્ય સિનેમેટિક અનુભવ આપનારી ફિલ્મ આગામી દિવાળીએ વિશ્વભરના સિનેમાઘરોમાં રિલીઝ થવા માટે સંપૂર્ણપણે તૈયાર છે.

આ પણ વાંચો :5 સીઝન અને 59 એપિસોડ! Netflix ની આ ધમાકેદાર વોર સિરીઝે 49 દેશોમાં મચાવી ધૂમ

આ પણ વાંચો :અમીષા પટેલની માતાના ઘરે લાખોના હીરાજડિત કંગનની ચોરી

આ પણ વાંચો :દૂરદર્શનની આઈકોનિક સિરિયલ ‘માલગુડી ડેઝ’ના 40 વર્ષ: જેના નામ પરથી ભારતીય રેલવેએ બદલ્યું સ્ટેશનનું નામ