રિયલમીએ ભારતમાં Narzo 30 સિરીઝનાં સ્માર્ટફોન Realme Narzo 30 Pro 5G અને રિયલમીએ Realme Narzo 30A લોન્ચ કર્યા છે. નાર્જો 30 પ્રો ભારતમાં સૌથી સસ્તો 5 જી ફોન છે, જે 16,999 રૂપિયાથી શરૂ થાય છે. આ સાથે કંપની રીયલમી બડ્સ એર 2 જેવા અન્ય ઉત્પાદનો પણ લઇને આવી છે. ચાલો આ ફોનની વધુ વિગતો જાણીએ…
રિયલમી નાર્ઝો 30 પ્રોની વિશિષ્ટતાઓ
આ શ્રેણીની સૌથી શક્તિશાળી ડિવાઇસ છે. તેમાં મીડિયાટેક ડાયમેન્શન 800 યુ પ્રોસેસર છે. ફોનમાં 120 હર્ટ્ઝ રિફ્રેશ રેટ સાથે 6.5 ઇંચની ફુલ એચડી + ડિસ્પ્લે છે. તેમાં 5,000 એમએએચની બેટરી છે, જે 30 વોટની ચાર્જ ટેક્નોલોજીને સપોર્ટ કરે છે. કંપનીનો દાવો છે કે ફોન 65 મિનિટમાં પૂર્ણ ચાર્જ થઈ જાય છે. આ સિવાય, તમે 3 મિનિટ ચાર્જ કર્યા પછી 110 મિનિટ સુધી કોલ કરી શકો છો.
ફોટોગ્રાફી માટે તેમાં ટ્રિપલ રીયર કેમેરા સેટઅપ છે. પ્રાઇમરી સેન્સર 48 મેગાપિક્સલનુ છે. આ સિવાય 8 મેગાપિક્સલનું વાઈડ એંગલ સેન્સર અને 2 મેગાપિક્સલનુ મેક્રો સેન્સર ઉપલબ્ધ છે. સેલ્ફી માટે 16 મેગાપિક્સલનો ફ્રન્ટ કેમેરો આપવામાં આવ્યો છે. પાછળના કેમેરામાં 4K વીડિયો રેકોર્ડિંગ, અલ્ટ્રા-વાઇડ વીડિયો અને સિનેમા મોડ જેવી સુવિધાઓ છે. નાર્જો 30 પ્રો 5 જી બે કલર વિકલ્પોમાં આવે છે.
રિયલિમી નાર્જો 30 એ એક એન્ટ્રી લેવલ સ્માર્ટફોન છે. તેની સૌથી વિશેષ સુવિધા 6,000 એમએએચની બેટરી છે, જે 18 ડબ્લ્યુ ફાસ્ટ ચાર્જિંગને સપોર્ટ કરે છે. તેમાં 6.5 ઇંચની ફુલ સ્ક્રીન ડિસ્પ્લે અને મીડિયાટેક હેલિઓ જી 85 ગેમિંગ પ્રોસેસર છે. ફોનમાં ડ્યુઅલ રીયર કેમેરા સેટઅપ છે.
