બ્રિટનમાં મહારાણી એલિઝાબેથ દ્વિતીયના અવસાન બાદ તેમના મોટા પુત્ર ચાર્લ્સને રાજા બનાવવામાં આવ્યા છે. રાજા બનતાની સાથે જ તેમણે બ્રિટનમાં પોતાનું પહેલું સંબોધન કર્યું હતું . સંબોધન દરમિયાન એક તરફ તેમણે મહારાણી એલિઝાબેથના શાસનને યાદ કર્યું છે તો બીજી તરફ તેમણે લોકોના વિશ્વાસ બદલ આભાર માન્યો છે.
કિંગ ચાર્લ્સે કહ્યું છે કે 1947માં મારી માતાએ તેમના 21મા જન્મદિવસે વ્રત લીધું હતું. આખી જિંદગી લોકોની સેવા કરશે, લોકો પ્રત્યેની પ્રતિબદ્ધતા હતા, જે તેમણે જીવનભર નિભાવ્યું. સંબોધન દરમિયાન ચાર્લ્સે અનેક પ્રસંગોએ રાણી એલિઝાબેથને ભાવુક રીતે યાદ કર્યા. તેમની માતાને છેલ્લો સંદેશ આપતા તેમણે કહ્યું કે હવે તમે મારા પિતા સાથે બીજી યાત્રાએ ચાલ્યા ગયા છો. આવા સમયમાં, હું એટલું જ કહેવા માંગુ છું…આભાર.
પોતાની માતાને યાદ કરતાં ચાર્લ્સે એમ પણ કહ્યું કે દરેક વ્યક્તિ તેની સામે પોતાના મનની વાત કરી શકે છે. એક કિસ્સો શેર કરતા તેમણે કહ્યું કે એક વડાપ્રધાને કહ્યું હતું કે એલિઝાબેથ એક એવી વ્યક્તિ છે જેની સામે તે પોતાનું મન સંપૂર્ણ રીતે ખોલી શકે છે, પોતાના દિલની વાત કરી શકે છે. તે જાણતા હતા કે તે વાત ત્યાંથી ક્યારેય પણ બહાર નીકળશે નહી
સંબોધન દરમિયાન કિંગ ચાર્લ્સે એ વાત પર પણ ભાર મૂક્યો કે આ પદ પર રહીને તેઓ બંધારણની રક્ષા કરશે અને દરેકની સેવા કરશે. બ્રિટનનો દરેક નાગરિક, ભલે તે દુનિયામાં ક્યાંય પણ રહેતો હોય, તે પૂરી નિષ્ઠા અને વફાદારીથી તેની સેવા કરશે.
