ભારતના મુખ્ય ન્યાયાધીશ તરીકે જસ્ટિસ સીવી રમનનો કાર્યકાળ શુક્રવારે (26 ઓગસ્ટ) સમાપ્ત થયો. તે જ દિવસે સુપ્રીમ કોર્ટના નિવૃત્ત CJI અને અન્ય નિવૃત્ત ન્યાયાધીશોની સુવિધાઓ માટે નવું નોટિફિકેશન બહાર પાડવામાં આવ્યું હતું. ભારતના મુખ્ય ન્યાયાધીશ (CJI) ને હવે તેમની નિવૃત્તિના દિવસથી આજીવન એક ઘરેલુ સહાયક, એક ડ્રાઇવર અને એક સચિવાલય સહાયકની સુવિધા મળશે. નિવૃત્તિ પછીના લાભો સંબંધિત નવીનતમ સૂચનામાં આ માહિતી સામે આવી છે. શુક્રવારે જારી કરવામાં આવેલી નવી સૂચનામાં, કેન્દ્રીય કાયદા મંત્રાલયના ન્યાય વિભાગે જણાવ્યું હતું કે નિવૃત્ત CJI અને સર્વોચ્ચ અદાલતના ન્યાયાધીશોને નિવૃત્તિ પછીની સુવિધાઓ વધારવા માટે સુપ્રીમ કોર્ટના ન્યાયાધીશો સંબંધિત નિયમોમાં ફરીથી સુધારો કરવામાં આવ્યો છે. અગાઉ 23 ઓગસ્ટે નિયમોમાં સુધારો કરવામાં આવ્યો હતો. સુધારેલા નિયમોનો લાભ તમામ જીવિત ભૂતપૂર્વ CJI અને સુપ્રીમ કોર્ટના નિવૃત્ત ન્યાયાધીશોને મળશે.
નિયમોમાં તાજેતરના ફેરફારો અનુસાર, આ સુવિધાઓ ભારતના મુખ્ય ન્યાયાધીશ અને સુપ્રીમ કોર્ટના ન્યાયાધીશોની નિવૃત્તિ પછી ઉપલબ્ધ થશે.
ભારતના નિવૃત્ત મુખ્ય ન્યાયાધીશને નિવૃત્તિની તારીખથી 5 વર્ષના સમયગાળા માટે વ્યક્તિગત સુરક્ષા રક્ષકો ઉપરાંત તેમના નિવાસસ્થાને 24-કલાક સુરક્ષા કવચ પ્રદાન કરવામાં આવશે.
સુપ્રીમ કોર્ટના નિવૃત્ત ન્યાયાધીશને તેમની નિવૃત્તિની તારીખથી 3 વર્ષના સમયગાળા માટે 24-કલાકના વ્યક્તિગત સુરક્ષા ગાર્ડ ઉપરાંત તેમના નિવાસસ્થાને 24-કલાકની સુરક્ષા પૂરી પાડવામાં આવશે.
જો કોઈ નિવૃત્ત CJI અથવા સુપ્રીમ કોર્ટના નિવૃત્ત ન્યાયાધીશને જોખમની આશંકાના આધારે પહેલેથી જ ઉચ્ચ શ્રેણીની સુરક્ષા આપવામાં આવી હોય, તો પહેલાથી જ પ્રદાન કરવામાં આવેલ સુરક્ષાની ઉચ્ચ શ્રેણી ચાલુ રહેશે.
નિવૃત્ત CJI ને નિવૃત્તિની તારીખથી 6 મહિનાના સમયગાળા માટે દિલ્હીમાં ટાઇપ-VII આવાસ આપવામાં આવશે (નિયુક્ત સત્તાવાર નિવાસસ્થાન સિવાય), જેના માટે કોઈ ભાડું લેવામાં આવશે નહીં.
ટાઇપ-VII આવાસ સામાન્ય રીતે વર્તમાન સાંસદોને આપવામાં આવે છે જેઓ ભૂતકાળમાં કેન્દ્રીય મંત્રી રહી ચૂક્યા છે.
નિવૃત્ત CJI માટે આવાસની સુવિધા આ મહિનાની શરૂઆતમાં લંબાવવામાં આવી હતી.
સુપ્રીમ કોર્ટના નિવૃત્ત ન્યાયાધીશોને નિવૃત્તિના દિવસથી ઘરેલુ મદદ અને જીવનભર ડ્રાઈવર મળશે.
એનવી રમને ગયા વર્ષે 24 એપ્રિલે ભારતના 48મા મુખ્ય ન્યાયાધીશ (CJI) તરીકેનો ચાર્જ સંભાળ્યો હતો. તેઓ 16 મહિનાથી વધુ સમયના કાર્યકાળ બાદ 26 ઓગસ્ટ, શુક્રવારના રોજ નિવૃત્ત થયા હતા.
આ પણ વાંચો:વડાપ્રધાનના સ્વાગત બાદ એરપોર્ટ પરના ગુજસેલ કોમ્પ્લેક્ષમાં બંધ બારણે એક બેઠક
આ પણ વાંચો:સરકારના સ્માર્ટ સ્કૂલોના દાવા પોકળ, હારીજમાં શિક્ષણ થયું પાણીમાં ગરકાવ
આ પણ વાંચો:દેશની આર્થિક વૃદ્ધિ કેવી રહેશે? નિર્મલા સીતારમણેની આ વાતથી તમારું પણ દિલ થઈ જશ ખુશ
