Rishi Sunak Residence: બ્રિટનના નવા વડા પ્રધાન ઋષિ સુનક અને તેમનો પરિવાર સરકાર દ્વારા પ્રદાન કરવામાં આવેલા સત્તાવાર સરકારી આવાસમાં રહેશે નહીં. બ્રિટનના વડાપ્રધાન બન્યા બાદ પણ ઋષિ સુનક અને તેમનો પરિવાર નંબર-10 ઉપરના ફ્લેટમાં જ રહેશે. આ એ જ ફ્લેટ છે જેમાં યુકેના પૂર્વ પીએમ બોરિસ જોન્સનના ચાન્સેલર રહીને ઋષિ સુનક તેમની પત્ની અને બે દીકરીઓ સાથે ફ્લેટમાં રહ્યા હતા. જ્યારે પૂછવામાં આવ્યું કે ઋષિ સુનકે ડાઉનિંગ સ્ટ્રીટ પર નંબર 10 ઉપરનો ફ્લેટ શા માટે પસંદ કર્યો, તો પ્રવક્તાએ જવાબ આપ્યો કે તેઓ ત્યાં ખૂબ જ ખુશ છે.
10 નંબરનો ફ્લેટ UK PMનું સત્તાવાર નિવાસસ્થાન છે
10 નંબરનો ફ્લેટ બ્રિટનના વડા પ્રધાનનું સત્તાવાર નિવાસસ્થાન છે અને બોરિસ જ્હોન્સન સહિત ઘણા પુરોગામી ચાર બેડરૂમના ફ્લેટમાં રહેતા હતા. આ ફ્લેટમાં પણ ઘણા ફેરફાર કરવામાં આવ્યા હતા. જેની દેખભાળ તેની પત્ની કેરી કરતી હતી. બોરિસ જોનસન પોતાના જમાનામાં મોંઘા વૉલપેપર, સોફ્ટ ફર્નિશિંગને લઈને ખૂબ ચર્ચામાં હતા. 10 નંબરની ઉપરનો ફ્લેટ જ્યાં ઋષિ સુનક રહેશે તેને સત્તાવાર રીતે ચાન્સેલર માટે નોમિનેટ કરવામાં આવ્યો છે. પરંતુ તે પહેલા ઘણા વડાપ્રધાનોએ તેમાં રહેવાનું પસંદ કર્યું હતું કારણ કે આ ફ્લેટનું કદ ઘણું મોટું છે.
બુધવારે, બ્રિટનના નવા વડા પ્રધાન ઋષિ સુનકે દરેકને દિવાળીની શુભેચ્છા પાઠવી હતી અને વચન આપ્યું હતું કે તેઓ બ્રિટન માટે બધું જ કરશે જ્યાં ‘આપણા બાળકો અને પૌત્રો તેમના દીવા પ્રગટાવી શકે અને ભવિષ્ય તરફ આશા સાથે જોઈ શકે’. 42 વર્ષીય સુનકે બુધવારે રાત્રે લંડનમાં વડા પ્રધાનના સત્તાવાર નિવાસસ્થાન 10 ડાઉનિંગ સ્ટ્રીટ ખાતે આયોજિત દિવાળીની ઉજવણીમાં હાજરી આપી હતી.
આ પણ વાંચો: Cricket/ મહિલા ક્રિકેટ ખેલાડીઓને પુરૂષોની બરાબરી પર મળશે મેચ ફી
આ પણ વાંચો: Indian Army/ સરહદ પર હુમલો કરતા પહેલા 10 વાર વિચારશે પાકિસ્તાન, સેનાએ ઉઠાવ્યું મોટું પગલું
