ભારતીય ટીમના કેપ્ટન રોહિત શર્માએ T20 વર્લ્ડ કપના ઈતિહાસમાં એક નવી સિદ્ધિ હાંસલ કરી છે. હિટમેન રોહિત શર્મા તાજેતરમાં સૌથી વધુ T20 વર્લ્ડ કપ રમનાર પ્રથમ ખેલાડી બન્યો છે અને હવે તેણે દક્ષિણ આફ્રિકા સામે પર્થમાં T20 વર્લ્ડ કપ 2022ની તેની ત્રીજી મેચમાં મેદાનમાં ઉતરતાની સાથે જ વધુ એક સિદ્ધિ હાંસલ કરી છે.
જમણા હાથનો બેટ્સમેન રોહિત શર્મા T20 વર્લ્ડ કપના ઈતિહાસમાં સૌથી વધુ મેચ રમનાર ખેલાડી બની ગયો છે. રોહિત શર્મા આજે એટલે કે રવિવાર 30 ઓક્ટોબરે તેની 36મી T20 વર્લ્ડ કપ મેચ રમવા માટે બહાર આવ્યો હતો. તેણે આ મામલે શ્રીલંકાના પૂર્વ ઓપનર તિલકરત્ને દિલશાનને પાછળ છોડી દીધો છે. શ્રીલંકાના દિગ્ગજ ટી20 વર્લ્ડ કપમાં 35 મેચ રમ્યા હતા.
T20 વર્લ્ડ કપના ઈતિહાસમાં સૌથી વધુ મેચ રમવાના મામલે હવે રોહિત શર્મા પ્રથમ સ્થાને, તિલકરત્ને દિલશાન બીજા અને શાકિબ અલ હસન 34 મેચો સાથે ત્રીજા સ્થાને છે. આપને જણાવી દઈએ કે રોહિત શર્મા અને શાકિબ અલ હસન જ એવા બે ખેલાડી છે જેમના નામે સૌથી વધુ T20 વર્લ્ડ કપ રમવાનો રેકોર્ડ છે. બંને 8મી વખત આ ટુર્નામેન્ટ રમી રહ્યા છે.
આ પણ વાંચો:થંભી જશે રેલ, વીજળી માટે ઝંખશે લોકો, PAKને બરબાદીના આરે લઇ આવ્યું ચીને
