રશિયા-યુક્રેન વચ્ચે યુદ્ધ આજે સતત દસમા દિવસે પણ ચાલુ છે. આ બધાની વચ્ચે એક મોટા સમાચાર સામે આવી રહ્યા છે. હકીકતમાં રશિયાએ યુક્રેનમાં યુદ્ધવિરામની મોટી જાહેરાત કરી છે. હવે યુક્રેનમાં યુદ્ધવિરામ થશે.ભારતીય સમય મુજબ સવારે 11.30 કલાકે યુદ્ધવિરામ થશે. એવું પણ કહેવામાં આવ્યું છે કે જ્યાં સુધી અહીં ફસાયેલા લોકોને બહાર નહીં કાઢવામાં આવે ત્યાં સુધી કોઈ હુમલો કરવામાં આવશે નહીં.
ઉલ્લેખનીય છે કે, યુક્રેનમાં 10 દિવસથી યુદ્ધ ચાલી રહ્યું છે. તે જ સમયે, રશિયા યુક્રેન પર સતત હુમલો કરી રહ્યું છે. પરંતુ હવે રશિયાએ યુદ્ધવિરામની વાત કરી છે. નોંધનીય છે કે બંને દેશો વચ્ચે 2 રાઉન્ડની વાતચીત થઈ ચૂકી છે. જ્યારે ત્રીજા રાઉન્ડની વાત સંભવતઃ આજે કે કાલે થઈ શકે છે.
હાલમાં ઘણા લોકો યુક્રેનમાં ફસાયેલા છે. તેમાં ભારતીય વિદ્યાર્થીઓનો પણ સમાવેશ થાય છે. આવી સ્થિતિમાં આ તમામ લોકો માટે રાહતના સમાચાર છે. 24 ફેબ્રુઆરીથી ચાલી રહેલા બંને દેશો વચ્ચે યુદ્ધના સમાચાર વચ્ચે 5 માર્ચ એટલે કે શનિવારે રાહતના સમાચાર આવ્યા છે. આપને જણાવી દઈએ કે યુક્રેનમાં ફસાયેલા લોકોને બહાર કાઢવા માટે યુદ્ધવિરામનો નિર્ણય લેવામાં આવ્યો છે.
જણાવી દઈએ કે રશિયાના રાષ્ટ્રપતિ વ્લાદિમીર પુતિને શુક્રવારે મોટું નિવેદન આપ્યું હતું. તેમના મતે જો તેમની તમામ માંગણીઓ સ્વીકારવામાં આવે તો તેઓ મંત્રણા કરવા તૈયાર છે. તેમણે કહ્યું કે રશિયા માટે યુક્રેનિયન પક્ષ અને અન્ય તમામ સાથે વાટાઘાટો કરવા માટે જરૂરી વિકલ્પ ખુલ્લો છે. પરંતુ શરત એ છે કે આ પહેલા રશિયાની તમામ માંગ પર વિચાર કરવામાં આવે.
શું છે મુખ્ય 3 શરતો
- પ્રથમ શરત એ છે કે યુક્રેન તટસ્થ અને બિન-પરમાણુ દેશ હોવો જોઈએ.
- તેણે ક્રિમિયાને રશિયાનો ભાગ ગણવો પડશે.
- તેમાં પૂર્વી યુક્રેનના અલગતાવાદી વિસ્તારોની સાર્વભૌમત્વની સ્થિતિ પણ સામેલ છે.
આ પણ વાંચો :રશિયાએ ફેક ન્યૂઝને સામે બનાવ્યો કડક કાયદો, સેના વિશે ખોટી માહિતી આપવા પર થશે આટલા વર્ષની જેલ
આ પણ વાંચો :પાકિસ્તાનમાં તાળીઓ પાડી રહી હતી પૂર્વ PM બેનઝીર ભુટ્ટોની પુત્રી, અચાનક ચહેરા સાથે અથડાયું ડ્રોન
આ પણ વાંચો : રાષ્ટ્રપતિ વોલોડીમિર ઝેલેન્સકી પોલેન્ડ ભાગ્યા નથી, કિવમાં જ છે
આ પણ વાંચો :યુક્રેનના વિદેશ મંત્રીએ રશિયન સૈનિકો પર લગાવ્યા ગંભીર આરોપ,જાણો વિગત
