રશિયા-યુક્રેન યુદ્ધ ગંભીર બની ગયું છે. રશિયન સેના દ્વારા યુક્રેન પર થયેલા હુમલામાં અનેક લોકોએ જીવ ગુમાવ્યા છે. યુક્રેનના રાષ્ટ્રપતિનું કહેવું છે કે રશિયાના હુમલામાં અત્યાર સુધીમાં 137 લોકો માર્યા ગયા છે. રશિયાએ કહ્યું- યુક્રેનની સેના આત્મસમર્પણ કરે તો વાતચીત માટે તૈયાર છે. રશિયાએ યુક્રેન સાથે વાતચીતનો પ્રસ્તાવ મૂક્યો છે. એવું કહેવામાં આવ્યું છે કે જો યુક્રેનિયન સૈનિકો તેમના હથિયારો નીચે મૂકે છે, તો પછી વાતચીત થઈ શકે છે.
રશિયા અને યુક્રેન વચ્ચે યુદ્ધ ચરમસીમાએ પહોંચી ગયું છે. રશિયાએ યુક્રેનને ભારે નુકસાન પહોંચાડ્યું છે. અત્યાર સુધીમાં ઘણા સૈનિકો પણ શહીદ થયા છે. હવે આ વિનાશ બાદ રશિયા ફરીવાર વાટાઘાટોના ટેબલ પર આવી ગયું છે. ત્યાંના વિદેશ મંત્રીએ સ્પષ્ટ કર્યું છે કે જો યુક્રેનના સૈનિકો તેમના હથિયારો નીચે મુકે તો ફરી વાતચીત થઈ શકે છે.
ગઈકાલે યુક્રેન વિરુદ્ધ મોટી સૈન્ય કાર્યવાહી કર્યા બાદ રશિયા દ્વારા આ મોટો પ્રસ્તાવ આપવામાં આવ્યો છે. નિષ્ણાતોનું માનવું છે કે યુક્રેન આ પ્રસ્તાવને જલ્દી સ્વીકારવાનું નથી, પરંતુ પરિસ્થિતિને જોતા અંતે આ ઉકેલ મળી શકે છે. યુક્રેનને ઘૂંટણિયે લાવવા અને પછી આત્મસમર્પણ કરવાની ફરજ પાડવા માટે રશિયા પાસે પહેલેથી જ આ વ્યૂહરચના હતી. અત્યાર સુધી યુક્રેને આ પ્રસ્તાવનો જવાબ આપ્યો નથી.
