રશિયાનાં ડેનિલ મેદવેદેવે વિશ્વનાં નંબર વન સર્બિયન સ્ટાર ટેનિસ ખેલાડી નોવાક જોકોવિચનું 21 મું ગ્રાન્ડસ્લેમ ટાઇટલ જીતવાનું સપનું તોડી નાખ્યું છે. ડેનિલ મેદવેદેવ યુએસ ઓપનમાં ચેમ્પિયન બન્યો છે. યુએસ ઓપન મેન્સ સિંગલ્સની ફાઇનલમાં મેદવેદેવે નોવાક જોકોવિચને હરાવ્યો હતો. જોકોવિચને 6-4, 6-4, 6-4 થી હારનો સ્વાદ ચાંખવો પડ્યો છે.
આ પણ વાંચો – Cricket / રાજસ્થાન રોયલ્સ માટે આવી Good News, IPL પહેલા તેમના આ ખેલાડીએ ફટકારી ધમકેદાર સદી
યુએસ ઓપન 2021 માં, રશિયન ખેલાડી ડેનિલ મેદવેદેવે સોમવારે નોવાક જોકોવિચને હરાવીને પોતાનું પ્રથમ ગ્રાન્ડસ્લેમ જીત્યું છે. તેણે જોકોવિચને સીધા સેટમાં 6-4, 6-4, 6-4થી હરાવ્યો. જ્યારે ચાહકોએ મેદવેદેવને પોતાનું પ્રથમ ગ્રાન્ડ સ્લેમ ખિતાબ જીતવા માટે ઉત્સાહીત કર્યો હતો, ત્યારે નોવાક જોકોવિચનું તેનું પ્રથમ કેલેન્ડર ગ્રાન્ડ સ્લેમ ટાઇટલ જીતવાનું સ્વપ્ન અધૂરું રહ્યું છે. ટેનિસ જગતમાં તે આ વર્ષનું હાઈ ટેમ્પરેટર મેચ હતી. જોકે ગ્રાન્ડ સ્લેમની ફાઇનલ હંમેશા ટેનિસની સૌથી ખાસ મેચોમાંની એક હોય છે, પરંતુ આ વખતે ખાસ વાત એ હતી કે એક ખેલાડીને પોતાનું પહેલું ગ્રાન્ડસ્લેમ જીતવાનું હતું અને એક કેલેન્ડર ગ્રાન્ડ સ્લેમ જેવા ખાસ રેકોર્ડનાં મુખમાં ઉભું હતું. આવી સ્થિતિમાં દરેકની નજર કોનું સપનું પૂર્ણ થાય છે તેના પર અટકેલી હતી અને અંતે મેદવેદેવનાં હાથમાં બાજી રહી હતી.
વિજેતા મેદવેદેવની વાત કરીએ તો તેણે પોતાનું પ્રથમ ગ્રાન્ડસ્લેમ જ જીત્યું ન હતું પરંતુ યુએસ ઓપન જીતનાર ત્રીજો રશિયન ખેલાડી પણ બન્યો હતો. આ પહેલા રશિયાનાં કાફેલનિકોવે 1996 માં અને ઓગસ્ટ 2000 માં સફિન યુએસ ઓપનનો ખિતાબ જીત્યો હતો. 25 વર્ષીય મેદવેદેવ અગાઉ તે જ વર્ષે ઓસ્ટ્રેલિયન ઓપનની ફાઇનલમાં પહોંચ્યો હતો પરંતુ તે પછી ટાઇટલ જીતવામાં ચૂકી ગયો હતો પરંતુ યુએસ ઓપનમાં પ્રથમ ગ્રાન્ડ સ્લેમ જીતવાનું તેનું સ્વપ્ન સાકાર થયું હતું. આશ્ચર્યજનક રીતે, તે જોકોવિચ હતો જેણે તેને ઓસ્ટ્રેલિયન ઓપનની ફાઇનલમાં હરાવ્યો હતો.
આ પણ વાંચો – Cricket / વિરાટ કોહલી Captainship માંથી આપી શકે છે રાજીનામું, આ બની શકે છે ટીમ ઈન્ડિયાનો નવો કેપ્ટન
વળી, સર્બિયાનાં નોવાક જોકોવિચની વાત કરીએ તો તેનું કેલેન્ડર ગ્રાન્ડ સ્લેમ જીતવાનું સ્વપ્ન અધૂરું રહી ગયું છે. કેલેન્ડર ગ્રાન્ડ સ્લેમ એટલે કે એક જ કેલેન્ડર વર્ષમાં તમામ ચાર ગ્રાન્ડ સ્લેમ એટલે કે ફ્રેન્ચ ઓપન, વિમ્બલ્ડન, ઓસ્ટ્રેલિયન ઓપન અને યુએસ ઓપન જીતવું. જોકોવિચે આ વર્ષે ફ્રેન્ચ ઓપન, વિમ્બલ્ડન અને ઓસ્ટ્રેલિયન ઓપન ટાઇટલ જીત્યા છે. તે કેલેન્ડર ગ્રાન્ડ સ્લેમથી માત્ર એક જ ટાઇટલ દૂર હતો. યુએસ ઓપનની ફાઇનલમાં પહોંચ્યા બાદ તેના પર ચાહકોની અપેક્ષાઓ ઉંચી હતી, પરંતુ ફાઇનલ મેચમાં હાર બાદ જોકોવિચ અને તેના સમર્થકોનું સપનું વિખેરાઇ ગયું. જણાવી દઈએ કે, પુરૂષ ખેલાડીઓમાં છેલ્લી વખત, ઓસ્ટ્રેલિયાનાં રોડ લેવને 1962 અને 1969 માં કેલેન્ડર સ્લેમ બનાવ્યું હતું. મહિલા ખેલાડીઓમાં છેલ્લી વખત સ્ટેફી ગ્રાફે વર્ષ 1988 માં આ પરાક્રમ કર્યું હતું. ત્યાર બાદ કોઈ પણ ટેનિસ ખેલાડી આ રેકોર્ડ બનાવી શક્યુ નથી. બીજી બાજુ, કુલ ગ્રાન્ડ સ્લેમની વાત કરીએ તો, જોકોવિચ 20 ગ્રાન્ડ સ્લેમ જીતીને રોઝેફ ફેડરર અને રાફેલ નડાલ સાથે સમાન સ્તરે છે. જો તે યુએસ ઓપનની ફાઇનલ જીતી હોત તો તે આ બે ખેલાડીઓને પાછળ છોડી દેત.
