સાર્ક બેઠક : અફઘાનિસ્તાનમાં તાલિબાનોએ સત્તા કબજે કરી છે. એક પછી એક પ્રાંત પર વિજય મેળવનાર તાલિબાન રાજધાની કાબુલ પહોંચ્યું અને રાષ્ટ્રપતિ અશરફ ગનીને દેશ છોડીને જવું પડ્યું. જ્યારે તાલિબાનોએ અફઘાનિસ્તાનની સત્તા પર કબજો કર્યો ત્યારે વિશ્વ સમુદાયે રાહ જુઓ અને જુઓની નીતિ અપનાવી.
જોકે, ચીન અને પાકિસ્તાન જેવા દેશોએ તાલિબાન સરકારને માન્યતા આપી હતી. પરંતુ પાકિસ્તાને તો જાને તાલિબાનની સરકારને સમગ્ર વિશ્વમાં માન્યતા અપાવવાનો ઠેકો લીધો હોય તેવું વર્તન રહ્યું છે. તાલિબાનોએ સત્તા સંભાળતાંની સાથે જ પાકિસ્તાનના વિદેશ મંત્રી તાલિબાન માટે સમર્થન મેળવવા માટે વિદેશ પ્રવાસે ગયા હતા. તાલિબાન ને લઇ પાકિસ્તાનના પ્રયાસોને મોટો આંચકો લાગ્યો છે. અમેરિકાના ન્યૂયોર્કમાં 25 સપ્ટેમ્બરે યોજાનારી સાઉથ એશિયન એસોસિએશન ફોર રિજનલ કોઓપરેશન (સાર્ક) ની બેઠક રદ કરવામાં આવી છે.
પાકિસ્તાન આ બેઠકમાં તાલિબાનને સામેલ કરવાની માંગ કરી રહ્યું હતું. સાર્કમાં સામેલ મોટાભાગના દેશો તાલિબાનને બેઠકમાં સામેલ કરવાની પાકિસ્તાનની માંગણી વિરુદ્ધ હતા. સાર્ક સભ્ય દેશોમાંથી મોટાભાગના તાલિબાન સરકારના વિદેશ મંત્રીને આ બેઠકમાં સામેલ કરવા જોઇએ તેવી પાકિસ્તાનની માંગણી સ્વીકારવા તૈયાર ન હતા.
ત્યારે નવી માંગ મુકવામાં આવી હતી. આ પછી, પાકિસ્તાને એક શરત મૂકી કે કોઈપણ કિંમતે અફઘાનિસ્તાનની અગાઉની સરકારના વિદેશ મંત્રી એટલે કે અશરફ ગનીની સરકારને કોઈપણ ભોગે આ બેઠકમાં ભાગ લેવાની મંજૂરી ન હોવી જોઈએ. મોટાભાગના સાર્ક દેશો પણ પાકિસ્તાનની આ સ્થિતિ પર અસંમત હતા. અંતે, 25 સપ્ટેમ્બરે યોજાનારી આ બેઠક રદ કરવાનો નિર્ણય લેવામાં આવ્યો. સાર્કના વિદેશ મંત્રીઓની બેઠક રદ કરી છે. અને મોટાભાગના સભ્ય દેશો દ્વારા તાલિબાનના વિદેશ મંત્રીને સામેલ કરવાની માંગને ફગાવી દેવી એ પાકિસ્તાન માટે મોટો ફટકો પડ્યો છે.
ડ્રગનો કાળો કારોબાર / મુન્દ્રા હેરોઇન કાંડ બાબતે અદાણી ગ્રુપે આપ્યો ખુલાસો, કહ્યું…
INC / શું આ યુવા નેતાઓ કોંગ્રેસની ડૂબતી નૈયાને કિનારે લઇ જશે ?
