તમામ સ્માર્ટફોન કંપનીઓએ સસ્તા 5 જી મોબાઇલ લોન્ચ કરવાનો પ્રયાસ શરૂ કરી દીધો છે અને મોટોરોલા, ઝિઓમી અને વનપ્લસ પછી હવે લોકપ્રિય કંપની સેમસંગ પણ ટૂંક સમયમાં Samsung Galaxy A52 5G લોન્ચ કરવા જઈ રહી છે, જેમા અનુમાન કરવામાં આવી રહ્યું છે કે કંપની તેને ખૂબ ઓછા ભાવમાં લોન્ચ કરશે. સેમસંગ ગેલેક્સી એ52 5જીને તાજેતરમાં જ ચીનનાના 3સી નેટવર્ક પ્રમાણપત્ર પર એસએમ-એ 5260 મોડેલ નંબર સાથે સ્પોટ કરવામાં આવ્યું હતું, જેમા આ ફોનની વિશિષ્ટતાઓ પણ જાહેર કરી છે. આ ફોન ટૂંક સમયમાં લોન્ચ થઈ શકે છે.
આ સ્માર્ટફોન ફરી એકવાર ઓનલાઇન સામે આવ્યો છે. આ વખતે આગામી સેમસંગ ફોનને ચીનની 3 સી સર્ટિફિકેશન વેબસાઇટ પર સ્પોટ કરવામાં આવ્યો છે.
ફાસ્ટ ચાર્જિંગ
સર્ટિફિકેશન સાઇટ અનુસાર, સેમસંગ ગેલેક્સી A52 5G માં 15 વોટની ફાસ્ટ ચાર્જિંગ સુવિધા તેમજ ક્વાડ રીયર કેમેરા સેટઅપ મળશે. ઉપરાંત, આ ફોનમાં 6.5 ઇંચની ફુલ એચડી ડિસ્પ્લે મળશે. આ ફોનમાં સેલ્ફી કેમેરા માટે પંચ હોલ કટ આઉટ આપવામાં આવશે. આ ફોનની આજુબાજુ સ્લિમ બેઝલ્સ જોવા મળશે. કંપનીએ સેમસંગ ગેલેક્સી A51 ના 4 જી અને 5 જી વેરિએન્ટમાં ફાસ્ટ ચાર્જિંગ સુવિધા પણ આપી છે.
ફીચર જબરદસ્ત
સેમસંગ ગેલેક્સી A52 5Gને 6GB રેમ સાથે લોન્ચ કરી શકે છે. આ મોબાઈલ એન્ડ્રોઇડ 11 પર આધારીત હશે અને તે ક્વોલકોમ સ્નેપડ્રેગન 750 જી એસસી પ્રોસેસર સાથે જોઇ શકાય છે. આ સેમસંગ 5 જી ફોનમાં ક્વાડ રીયર કેમેરા સેટઅપ જોવા મળશે, જેમાં પ્રાઇમરી કેમેરો 64 મેગાપિક્સલનો હશે.
ભારતમાં, શાઓમી અને મોટોરોલાએ 20 હજાર રૂપિયાથી ઓછાની રેન્જમાં 5 જી સ્માર્ટફોન લોન્ચ કર્યા છે, સેમસંગ સહિત અન્ય કંપનીઓ આગામી સમયમાં પોસાય તેવા ભાવે સ્માર્ટફોન બનાવવાનું વિચારી રહી છે.