શિવસેનાના સાંસદ સંજય રાઉત મુંબઈમાં પાત્રચાલ જમીન કૌભાંડ મામલે મુશ્કેલીમાં હોય તેવું લાગી રહ્યું છે. એન્ફોર્સમેન્ટ ડિરેક્ટોરેટ (ED)ની ટીમ મની લોન્ડરિંગને લઈને બે સ્થળોએ દરોડા પાડી રહી છે. સૂત્રોના જણાવ્યા પ્રમાણે EDના અધિકારીઓ બે સ્થળોએ દરોડા પાડવા ગયા છે.
સાથે જ આ મામલાની નિષ્પક્ષ તપાસ માટે કેટલાક અન્ય લોકોને પણ બોલાવવામાં આવ્યા છે. કહેવામાં આવી રહ્યું છે કે, ટૂંક સમયમાં વધુ કેટલાક લોકોને પૂછપરછ માટે બોલાવવામાં આવી શકે છે. જણાવી દઈએ કે, પ્રિવેન્શન ઓફ મની લોન્ડરિંગ એક્ટ (PMLA) કોર્ટે આ મામલે સંજય રાઉતને 4 ઓગસ્ટ સુધી ED કસ્ટડીમાં મોકલી દીધો છે.
EDએ આ દાવો કર્યો છે
જણાવી દઈએ કે, EDએ આ મામલાને લઈને સ્પેશિયલ કોર્ટને માહિતી આપી હતી કે સંજય રાઉત અને તેના પરિવારને મુંબઈમાં ચાલીના રિડેવલપમેન્ટ પ્રોજેક્ટમાં ગેરરીતિઓથી એક કરોડ રૂપિયા મળ્યા છે. EDએ PMLA કોર્ટ સમક્ષ કહ્યું હતું કે સંજય રાઉતની પત્ની અને તેનો એક મિત્ર પણ આ કેસમાં સામેલ છે. જો કે, સંજય રાઉતે EDના તમામ આરોપોને નકારી કાઢતા કહ્યું કે આ આરોપો તેમના પર રાજકીય બદલો લેવાથી લગાવવામાં આવ્યા છે.
4 ઓગસ્ટ સુધી EDની કસ્ટડીમાં મોકલવામાં આવ્યા છે
જણાવી દઈએ કે શિવસેનાના સાંસદની 31 જુલાઈએ રવિવારે ઈડી દ્વારા ધરપકડ કરવામાં આવી હતી. આ મામલે લગભગ છ કલાક સુધી પૂછપરછ કર્યા બાદ EDએ સંજય રાઉતની ધરપકડ કરી હતી.
EDએ સંજય રાઉતની ધરપકડ કરી હતી અને તેને બીજા દિવસે એટલે કે સોમવારે વિશેષ PMLA કોર્ટમાં રજૂ કર્યો હતો. જ્યાં EDએ કોર્ટ પાસે સંજય રાઉતની આઠ દિવસની કસ્ટડી માંગી હતી. બંને પક્ષોની દલીલો સાંભળ્યા બાદ ન્યાયાધીશે સંજય રાઉતને 4 ઓગસ્ટ સુધી EDની કસ્ટડીમાં મોકલવાનો નિર્ણય આપ્યો હતો.
આ પણ વાંચો:સંસદમાં રજૂ કરાયા આંકડા, 4.3 કરોડ લાભાર્થીઓએ એકવાર પણ સિલિન્ડર ભર્યા નથી
