Valsad News: વલસાડ જિલ્લાના ઉમરગામ તાલુકાના સરીગામ GIDC વિસ્તારમાં આવેલી સાઇનેક્સ મેટા કેમ (Synex Meta Chem) નામની કંપનીમાં ગેસ લીકેજ (GIDC Gas Leakage) થયા બાદ મોટો વિસ્ફોટ થયો હોવાની ઘટનાએ સમગ્ર વિસ્તારમાં ભારે ગભરાટ ફેલાવી દીધો છે.
શ્વાસ લેવામાં તકલીફ અને આંખોમાં બળતરા
કંપનીમાં ગેસ લીકેજ શરૂ થતાં જ ઝેરી ગેસ આસપાસના વિસ્તારમાં ફેલાઈ ગયો. આના કારણે પ્લાન્ટના કામદારો અને નજીકના યુનિટમાં કામ કરતા લોકોએ આંખોમાં બળતરા અને શ્વાસ લેવામાં તકલીફની ફરિયાદ કરી. પરિસ્થિતિ વધુ વણસી જતાં, અન્ય કંપનીઓના કામદારો પણ સલામત સ્થળે ભાગી ગયા, જેના કારણે સમગ્ર વિસ્તારમાં ગભરાટનું વાતાવરણ સર્જાયું.
સૂત્રો અનુસાર, આ દુર્ઘટનામાં ત્રણથી વધુ કામદારો ગંભીર રીતે ઘાયલ થયા હોવાની માહિતી સામે આવી છે. ઘટના બાદ ફેક્ટરી આસપાસ ધુમાડાના ગોટેગોટા દેખાતા લોકોમાં ભયનો માહોલ સર્જાયો છે.
અચાનક ગેસ લીકેજ (GIDC Gas Leakage)થી સ્થિતિ બગડી
પ્રત્યક્ષદર્શીઓના જણાવ્યા અનુસાર, કેમિકલ કંપનીના એક યુનિટમાંથી અચાનક ગેસ લીક થવા લાગ્યો હતો. શરૂઆતમાં સાઇનેક્સ મેટા કેમ (Synex Meta Chem)કંપનીના કર્મચારીઓએ તેને સામાન્ય ટેકનિકલ ખામી માની હતી, પરંતુ થોડા જ સમયમાં ગેસનું પ્રમાણ વધી (GIDC Gas Leakage) જતાં પરિસ્થિતિ ગંભીર બની ગઈ. કામદારોને સલામત રીતે બહાર કાઢવાની કાર્યવાહી શરૂ થાય તે પહેલાં જ એક મોટો વિસ્ફોટ થયો હતો.
વિસ્ફોટથી કામદારો ઉછળી પડ્યા
વિસ્ફોટ એટલો જોરદાર હતો કે કંપનીના અંદરના કેટલાક ભાગોને ભારે નુકસાન થયું હોવાનું જાણવા મળ્યું છે. કામ કરી રહેલા કામદારો અચાનક થયેલા ધડાકાથી જમીન પર પટકાયા હતા. કેટલાક કામદારોને બળતરા, શ્વાસ લેવામાં તકલીફ અને શરીરના અલગ-અલગ ભાગોમાં ઈજાઓ પહોંચી છે. ઘાયલ કામદારોને તાત્કાલિક નજીકની હોસ્પિટલમાં ખસેડવામાં આવ્યા હતા.
ફાયર બ્રિગેડ અને પોલીસ દોડતી થઈ
ઘટનાની જાણ થતાં જ સ્થાનિક ફાયર બ્રિગેડ, પોલીસ અને GIDCના અધિકારીઓ તાત્કાલિક ઘટનાસ્થળે પહોંચ્યા હતા. ફાયર બ્રિગેડની ટીમે આગ અને ગેસ લીકેજ (GIDC Gas Leakage) પર કાબૂ મેળવવા માટે સતત પ્રયાસો કર્યા હતા. લાંબી મહેનત બાદ સ્થિતિને નિયંત્રણમાં લેવામાં આવી હતી.
વિસ્તાર ખાલી કરાયો, લોકોમાં ભય
સુરક્ષાના કારણોસર કંપનીની આસપાસના વિસ્તારોને થોડા સમય માટે ખાલી કરાવવામાં આવ્યા હતા. ગેસ લીકેજ (GIDC Gas Leakage)ને કારણે આસપાસના રહેણાંક વિસ્તારોમાં રહેતા લોકોમાં ભય ફેલાઈ ગયો છે. ઘણા લોકોએ પોતાના ઘરો બંધ કરીને બહાર નીકળવાનું ટાળ્યું હતું, જ્યારે કેટલાક લોકો સુરક્ષિત સ્થળે ખસ્યા હતા.
આ પણ વાંચો:ભુજમાં ગેસ લીકેજ થતાં અફરાતફરીનો માહોલ, ડ્રેનેજ કામગીરી દરમિયાન પાઈપલાઈન તૂટતાં લોકોમાં ભય ફેલાયો
આ પણ વાંચો:સોલા ભાગવત પાસે ગેસ લીકેજથી નાસભાગ, બાટલો ફેંકીને અજાણ્યો શખ્સ ફરાર, લોકોને આંખ-શ્વાસની તકલીફ
આ પણ વાંચો:હિંમતનગરના પેથાપુર ગામે મકાનમાં બ્લાસ્ટ, ગેસ લીકેજને લઈને ગળતર બાદ ઘટના બન્યાનું અનુમાન
