ભારતના સ્ટાર ખેલાડી સાત્વિકસાઈરાજ રેન્કીરેડ્ડીએ બેડમિન્ટનમાં પુરૂષ ખેલાડી દ્વારા 565 કિમી પ્રતિ કલાકની ઝડપે સ્મેશ કરીને સૌથી ઝડપી ‘હિટ’ કરવાનો ગિનિસ વર્લ્ડ રેકોર્ડ બનાવ્યો છે. તાજેતરમાં જ ચિરાગ શેટ્ટી સાથે ઇન્ડોનેશિયા ઓપન સુપર 1000 ખિતાબ જીતનાર સાત્વિકે મે 2013માં મલેશિયાના ટેન બૂન હિયોંગ દ્વારા સેટ કરવામાં આવેલ 493 kmphનો એક દાયકાથી વધુ જૂનો રેકોર્ડ પણ તોડ્યો હતો.સાત્વિકની સ્મેશ ફોર્મ્યુલા વન કાર દ્વારા હાંસલ કરાયેલી 372.6 kmphની સૌથી ઝડપી ગતિ કરતાં વધુ ઝડપી હતી. મહિલા વિભાગમાં સૌથી ઝડપી બેડમિન્ટન ‘હિટ’ કરવાનો રેકોર્ડ મલેશિયાની ટેન પર્લીના નામે છે, જેણે 438 કિમી પ્રતિ કલાકની ઝડપે શૂટ કર્યું હતું.
આ રેકોર્ડ 14 એપ્રિલે બન્યો હતો
જાપાની રમત-ગમતના સાધનો ઉત્પાદક Yonex એ જાહેરાત કરતાં ગર્વ અનુભવે છે કે Yonex બેડમિન્ટન ખેલાડીઓ સાત્વિકસાઈરાજ રેન્કીરેડ્ડી (ભારત) અને ટેન પર્લી (મલેશિયા) એ અનુક્રમે સૌથી ઝડપી પુરૂષ અને મહિલા બેડમિન્ટન હિટ સાથે નવો રેકોર્ડ બનાવ્યો છે. ગિનીસ વર્લ્ડ રેકોર્ડ બનાવ્યો છે. વિશ્વ વિક્રમ 14 એપ્રિલ 2023 ના રોજ સેટ કરવામાં આવ્યો હતો અને તે દિવસના ઝડપ માપનના પરિણામોના આધારે ગિનીસ વર્લ્ડ રેકોર્ડ્સના સત્તાવાર ન્યાયાધીશો દ્વારા પુષ્ટિ કરવામાં આવી હતી.સાત્વિકે જાપાનના સૈતામાના સોકામાં યોનેક્સ ફેક્ટરી જિમ્નેશિયમમાં આ સ્મેશ માર્યો હતો. મલેશિયાના ટેન બૂન હિયોંગે મે 2013માં સૌથી ઝડપી સ્મેશ કરવાનો રેકોર્ડ બનાવ્યો હતો. તેણે આ રેકોર્ડ એક દાયકા કરતાં વધુ સમય સુધી જાળવી રાખ્યો હતો. હવે સાત્વિકે તેને પોતાના નામે કરી લીધું છે.