તાજેતરમાં, બોલીવુડના ચાર મોટા સ્ટાર્સ સલમાન ખાન, શાહરૂખ ખાન, અક્ષય કુમાર અને સૈફ અલી ખાન સાઉદી અરેબિયાના સંસ્કૃતિ મંત્રી બદર બિન ફરહાન અલ સાઉદીને મળ્યા હતા. આ મીટિંગની કેટલીક તસવીરો હાલમાં સોશિયલ મીડિયા પર છે. સોશિયલ મીડિયા પર વાયરલ થઈ રહેલી આ નિખાલસ તસવીરોને લોકો પસંદ કરી રહ્યા છે. આ તસવીરમાં સલમાન ખાન, અક્ષય કુમાર શાહરૂખ ખાન અને સૈફ અલી ખાન સાઉદી અરેબિયાના મંત્રી સાથે વાતચીત કરતા જોવા મળે છે. રસપ્રદ વાત એ છે કે આ તસવીર સામે આવ્યા બાદ લોકોએ તેના પર વિવિધ પ્રકારની ફની પ્રતિક્રિયાઓ આપવાનું શરૂ કરી દીધું છે.
સોશિયલ મીડિયા પર વાયરલ થઈ રહેલી તસવીરોમાં સલમાન ખાન બ્લેક શર્ટ અને પેન્ટમાં જોઈ શકાય છે. અક્ષય કુમાર સફેદ શર્ટ અને બ્લેક પેન્ટમાં જોવા મળે છે, જ્યારે શાહરૂખ સફેદ ટી-શર્ટ અને વાદળી જીન્સમાં જોવા મળે છે. એક તસવીરમાં અક્ષય કુમાર પણ સંસ્કૃતિ મંત્રી સાથે હાથ મિલાવતા જોવા મળે છે. શાહરૂખ તેની સાથે ઉભો છે, તો સૈફ અલી ખાન બેસીને પોઝ આપી રહ્યો છે. આ તસવીર પર લોકોની પ્રતિક્રિયાઓ ઉગ્ર જોવા મળી રહી છે. જો કે આ બેઠક પાછળનો હેતુ શું હતો તે હજુ સ્પષ્ટ થયું નથી.
આ તસવીરો પર પ્રતિક્રિયા આપતા એક સોશિયલ મીડિયા યુઝરે લખ્યું, “કાર્તિક આર્યન શેખ બનીને કેમ અવાયો છે”, જ્યારે બીજાએ લખ્યું, “કાર્તિક શેખના પોશાકમાં કેમ છે”. તે જ સમયે, અન્ય એક યુઝરે લખ્યું છે કે, “આ શેખ મને રોહિત શર્મા જેવો કેમ લાગે છે”. આ તસવીર પર લોકો દ્વારા આવી અનેક ફની પ્રતિક્રિયાઓ આપવામાં આવી રહી છે.
આ પણ વાંચો :બોલિવૂડ બાદ હવે હોલીવુડમાં એન્ટ્રી કરશે રિચા ચડ્ડા! આ મોટી ઓફર મળી
આ પણ વાંચો :રાજકુમાર રાવના પાન કાર્ડ પર અન્ય કોઈએ લીધી આટલા રૂપિયાની લોન, ઘટી ગયો CIBIL Score
આ પણ વાંચો : મલાઈકા અરોરાની કારને થયો અકસ્માત, અભિનેત્રી સારવાર માટે હોસ્પિટલમાં દાખલ
આ પણ વાંચો :કિચ્ચા સુદીપ અને જેકલીન ફર્નાન્ડિઝની 3ડી ફેન્ટસી ફિલ્મ પાંચ ભાષામાં થશે રિલીઝ, જાણો રિલીઝ ડેટ
