ઈન્ફોર્મેશન ટેક્નોલોજી શેરોને બાદ કરતા તમામ ક્ષેત્રોમાં ખરીદી વચ્ચે ભારતીય ઈક્વિટી માર્કેટ 19 ડિસેમ્બરના રોજ લગભગ એક ટકાના ઊંચા સ્તરે બંધ થતાં બજારમાં બે દિવસથી ચાલતો ઘટાડાનો દૌર અટક્યો હતો.
બીએસઇનો 30 શેરનો સેન્સેક્સ 468.38 પોઈન્ટ્સ અથવા 0.76 ટકા વધીને 61,806.19 પર અને નિફ્ટી 151.50 પોઈન્ટ્સ અથવા 0.83 ટકા વધીને 18,420.50 પર બંધ રહ્યો હતો.
મિશ્ર વૈશ્વિક સંકેતો વચ્ચે, બજારની શરૂઆત મ્યૂટ નોટ પર થઈ હતી પરંતુ જેમ જેમ દિવસ આગળ વધતો ગયો અને નિફ્ટીએ 18,400ની સપાટી ફરીથી મેળવી હતી અગાઉના સત્રનું નુકસાન ઘટાડ્યું હતું.
અદાણી પોર્ટ્સ, આઈશર મોટર્સ, એમએન્ડએમ, પાવર ગ્રીડ કોર્પોરેશન અને અદાણી એન્ટરપ્રાઈઝ સૌથી વધુ નિફ્ટી ગેઇનર્સમાં હતા, જ્યારે ટીસીએસ, ઓએનજીસી, ઈન્ફોસિસ, સન ફાર્મા અને ટાટા મોટર્સ ઘટ્યા હતા.
ઇન્ફોર્મેશન ટેક્નોલોજી સિવાય, જે 0.5 ટકા ડાઉન હતો, તમામ ઇન્ડાઇસીસ ગ્રીન ઝોનમાં બંધ આવ્યા હતા. નિફ્ટી ઓટો, એનર્જી, ઇન્ફ્રા, મેટલ અને એફએમસીજી એક-એક ટકા વધ્યા હતા.
BSE મિડકેપ ઈન્ડેક્સ 0.6 ટકા અને સ્મોલકેપ ઈન્ડેક્સ 0.3 ટકા વધ્યા હતા.બીએસઈ પર, ઓટો અને એફએમસીજી સૂચકાંકો એક-એક ટકાથી વધુ વધ્યા હતા, જ્યારે બેન્ક, કેપિટલ ગુડ્સ, પાવર, મેટલ, ઓઈલ એન્ડ ગેસ અને રિયલ્ટી ઈન્ડેક્સ 0.5-0.9 ટકા વધ્યા હતા. ઈન્ફોર્મેશન ટેક્નોલોજી ઈન્ડેક્સ 0.55 ટકા ઘટ્યો હતો.
ઈન્ડિયામાર્ટ ઈન્ટરમેશ, મુથૂટ ફાઈનાન્સ અને ભારતી એરટેલમાં વ્યક્તિગત શેરોમાં 100 ટકાથી વધુનો વોલ્યુમ સ્પાઈક જોવા મળ્યો હતો. ઇન્ડિયામાર્ટ ઇન્ટરમેશ, અદાણી પોર્ટ્સ અને IDFCમાં લાંબો બિલ્ડ-અપ જોવા મળ્યો હતો, જ્યારે ચંબલ ફર્ટિલાઇઝર્સ એન્ડ કેમિકલ્સ, પિરામલ એન્ટરપ્રાઇઝિસ અને અલ્કેમ લેબોરેટરીઝમાં ટૂંકો બિલ્ડ-અપ જોવા મળ્યો હતો.
ઉગર સુગર વર્ક્સ, ટીવીએસ શ્રીચક્ર, જ્યોતિ, બ્રિટાનિયા ઇન્ડસ્ટ્રીઝ, સીએસબી બેન્ક, વી-ગાર્ડ ઇન્ડસ્ટ્રીઝ, બીએસઇ પર તેમની 52-સપ્તાહની ઊંચી સપાટીએ પહોંચ્યા હતા.
આ પણ વાંચોઃ
