બિગ બોસ ફેમ અભિનેત્રી શહનાઝ ગિલના પિતા પર પંજાબના અમૃતસરમાં હુમલો થયો છે. અભિનેત્રીના પિતા સંતોખ સિંહ બે દિવસ પહેલા ભાજપમાં જોડાયા હતા અને અહીં કેટલાક કાર્યક્રમોમાં હાજરી આપ્યા બાદ તેઓ અમૃતસરથી બ્યાસ જવા રવાના થયા હતા. મીડિયા રિપોર્ટ્સ અનુસાર, બાઇક પર સવાર બદમાશોએ તેમના પર હુમલો કર્યો.
આ પણ વાંચો :દિલ તૂટી ગયુ તો આ યુવકે પોતાની જ બાઇકને લગાવી દીધી આગ
સમાચાર અનુસાર સંતોખ સિંહે જણાવ્યું કે એક કાર્યક્રમમાં હાજરી આપ્યા બાદ તેઓ પોતાના સુરક્ષાકર્મીઓ સાથે અમૃતસરથી બ્યાસ જવા રવાના થયા હતા. રસ્તામાં તેમના સુરક્ષાકર્મીઓ જંડિયાલા ગુરુ વિસ્તારમાં સ્થિત ગુરદાસપુરિયનના ઢાબા પાસે શૌચાલયમાં ગયા હતા. આ દરમિયાન તે કારની ડ્રાઈવર સીટ પર બેઠા હતા, ત્યારે બાઇક પર સવાર બે અજાણ્યા યુવકો ત્યાં પહોંચ્યા અને રોક્યા. તેઓ કારના કાચ નીચે કરીને તેમને ઓળખવાનો પ્રયાસ કરી રહ્યા હતા ત્યારે બાઇક ચાલકની પાછળ બેઠેલા યુવકે તેમના પર ફાયરિંગ કર્યું હતું.
આ પણ વાંચો : પિયૂષ જૈનના ત્યાંથી મળેલી રકમનો આંકડો 280 કરોડને પાર થયો, પૈસા ગણવા મુકવા પડ્યા 19 જેટલા મશીનો
તેમણે જણાવ્યું કે આ દરમિયાન વાહન પાસે ઉભેલા સુરક્ષાકર્મીઓએ એક ઈંટ ઉપાડી અને બાઇક સવારોને ફટકારી. જોકે તેઓ સ્થળ પરથી ફરાર થઈ ગયા હતા. શહનાઝ ગિલના પિતાએ કહ્યું કે પોલીસના વલણ સામે તેઓ સોમવારે તેમના સાથીદારો સાથે SSP ઓફિસનો ઘેરાવ કરશે. આપને જણાવી દઈએ કે ‘બિગ બોસ 13’ દરમિયાન શહનાઝની સાથે તેના પિતા સંતોખ પણ ખૂબ લોકપ્રિય થયા હતા. તે સીઝનમાં તેઓ બિગ બોસના ઘરમાં પણ જોવા મળ્યા હતા.
આ પણ વાંચો :નાગાલેન્ડમાંથી AFSPA હટાવવાની કવાયત તેજ, કેન્દ્ર સરકારે બનાવી કમિટી
તેમણે આરોપ લગાવ્યો કે પોલીસને સમયસર ઘટનાની જાણ કરવામાં આવી હતી, પરંતુ હજુ સુધી કેસ નોંધવામાં આવ્યો નથી. આ મામલે જંડિયાલા ગુરુ પોલીસ સ્ટેશનના સ્ટેશન હાઉસ ઓફિસર હરપ્રીત સિંહે કહ્યું કે પોલીસે ઘટનાસ્થળેથી ચાર ખાલી શેલ મળ્યા છે. તેણે કહ્યું કે, “પ્રારંભિક તપાસ પછી, મામલો કંઈક અંશે શંકાસ્પદ હોવાનું જણાયું હતું અને તેથી વધુ તપાસ કરવામાં આવી રહી છે.” તાજેતરમાં તેની સુરક્ષા પાછી ખેંચી લેવામાં આવી હતી કારણ કે તેની સામે ઘણા ફોજદારી કેસ નોંધાયેલા છે, અધિકારીએ જણાવ્યું હતું.
આ પણ વાંચો : અંબાલા-દિલ્હી હાઈવે સર્જાયો ગમખ્વાર અકસ્માત, 5ના મોત
આ પણ વાંચો : ICPR દ્વારા BAPS ના પૂ.ભદ્રેશદાસ સ્વામીને લાઇફ ટાઇમ અચીવમેંટ એવોર્ડ’ એનાયત
