Breaking News: ગુજરાતના વિસાવદર ધારાસભ્ય અને આમ આદમી પાર્ટી (AAP)ના પ્રખ્યાત નેતા ગોપાલ ઈટાલિયા પર આજે જામનગરમાં એક સભા દરમિયાન જૂતું ફેંકાયું હતું. આ ઘટના ત્યારે બની જ્યારે ઈટાલિયા શહેરમાં યોજાતી એક રાજકીય સભામાં તેઓ ભ્રષ્ટાચાર અને સરકારી નીતિઓ પર આકરા પ્રહારો કરી રહ્યા હતા. સભા દરમિયાન અચાનક હંગામો મચ્યો, જેમાં એક વ્યક્તિએ તેમની તરફ જૂતું ફેંકી દીધું.
ગોપાલ ઈટાલિયા પર જૂતું ફેંકાયું
સ્થાનિક સૂત્રો અનુસાર, જૂતું ફેંકનાર વ્યક્તિ રાજકીય વિરોધી પક્ષના કાર્યકર્તા તરીકે ઓળખાય છે. આ ઘટના બનતાં જ AAPના કાર્યકર્તાઓએ તાત્કાલિક પ્રતિક્રિયા આપી અને જૂતું ફેંકનાર વ્યક્તિ તથા તેના સાથીઓ પર હુમલો કરી દીધો. કાર્યકર્તાઓએ તેમને ખેંચીને ધોલાઈ કરી, જેના કારણે સ્થળ પર તણાવનું વાતાવરણ રચાયું. આખરે પોલીસ પહોંચી આવી અને જૂતું ફેંકનારને અટકાયતમાં લઈ લીધો.
ગોપાલ ઈટાલિયા, જેઓ 2017 માં તત્કાલીન ગૃહ રાજ્યમંત્રી પ્રદીપસિંહ જાડેજા પર જૂતું ફેંકીને રાજકારણમાં પ્રખ્યાત બન્યા હતા, તેઓ આજે પણ તીખી ટીકા માટે જાણીતા છે. તેમની આ પહેલાંની ઘટનાઓમાંથી આ એક વધુ વિવાદાસ્પદ કિસ્સો બની ગયો છે. AAPના નેતાઓએ આ ઘટનાને રાજકીય ષડયંત્ર ગણાવીને તીવ્ર નિંદા કરી છે અને પોલીસને ગુનેગારો સામે કડક કાર્યવાહીની માંગ કરી છે.
આ પણ વાંચો:ગોપાલ ઈટાલિયાએ ખેડૂતોને આપેલા રાહત પેકેજની કરી ખુલ્લેઆમ ટીકા
આ પણ વાંચો:ગોપાલ ઈટાલિયાના પોલીસે પ્રમોશન અંગે અમદાવાદ પોલીસે કરી સ્પષ્ટતા
