શ્રેયસ અય્યરને ફેબ્રુઆરી 2022માં તેના શાનદાર પ્રદર્શન માટે ICC પ્લેયર ઓફ ધ મન્થ તરીકે જાહેર કરવામાં આવ્યો છે. આ 27 વર્ષીય ખેલાડીએ આ મહિનામાં ટીમ ઈન્ડિયા માટે મિડલ ઓર્ડર બેટ્સમેન તરીકે બેજોડ પારીઓ રમી છે. વેસ્ટ ઈન્ડિઝ સામેની છેલ્લી ODIમાં 80 રન બનાવ્યા બાદ શ્રેયસ અય્યરે ફેબ્રુઆરી મહિનામાં પાછું વળીને જોયું નથી. ખાસ કરીને શ્રીલંકા સામેની 3 મેચની T20 શ્રેણીમાં તેણે 200થી વધુની એવરેજથી રન બનાવ્યા હતા.
ફેબ્રુઆરી 2022માં શ્રેયસ અય્યરના યાદગાર પ્રદર્શન બાદ તેને ICC પ્લેયર્સ ઓફ ધ મન્થ માટે નામાંકિત કરવામાં આવ્યો હતો. આ શ્રેણીમાં નામાંકિત થનાર ભારતીય પુરૂષ ક્રિકેટ ટીમમાંથી શ્રેયસ એકમાત્ર ખેલાડી હતો. શ્રીલંકાના ભૂતપૂર્વ બેટ્સમેન અને વોટિંગ પેનલના સભ્ય રસેલ આર્નોલ્ડે આઈસીસી પ્લેયર ઓફ ધ મન્થ તરીકે શ્રેયસ અય્યરના નામની જાહેરાત કરતા કહ્યું કે
“સમગ્ર મહિના દરમિયાન શ્રેયસે જબરદસ્ત સાતત્ય અને નિયંત્રણ બતાવ્યું, તેણે વિરોધી બોલરો પર સંપૂર્ણ રીતે વર્ચસ્વ જમાવ્યું અને બોલિંગ કરવી ખૂબ જ મુશ્કેલ સાબિત થઈ, વિકેટની આસપાસ રન બનાવ્યા અને યોગ્ય સમયે બોલરો પર હુમલો કર્યો. મારા માટે જે ખરેખર અલગ હતું તે તેનો સંયમ હતો કારણ કે તે ભારતીય લાઇન-અપમાં નિયમિત સ્થાન માટે લડે છે.
ફેબ્રુઆરી 2022માં શ્રેયસ અય્યરનું પ્રદર્શન
ફેબ્રુઆરી 2022 શ્રેયસ અય્યર માટે તેની કારકિર્દીનો ટર્નિંગ પોઈન્ટ સાબિત થઈ રહ્યો છે. અવારનવાર ઈજાના કારણે અંદર અને બહાર રહેતા શ્રેયસ અય્યરે આ મહિને પોતાના બેટની મદદથી ટીમ ઈન્ડિયામાં પોતાનું સ્થાન નિશ્ચિત કર્યું છે. સૌથી પહેલા તેણે વેસ્ટ ઈન્ડિઝ સામેની શ્રેણીની છેલ્લી ODI મેચમાં 80 રનની ઈનિંગ રમીને પોતાની હાજરીનો અનુભવ કરાવ્યો હતો.
આ પછી શ્રીલંકા સામેની 3 મેચની ટી-20 શ્રેણીમાં શ્રેયસ અય્યરના બેટથી રનોના તોફાનમાં શ્રીલંકા ઉડી ગયું હતું. તેણે આ સિરીઝમાં કુલ 204 રન બનાવ્યા અને આઉટ થયા વિના 3 અડધી સદી ફટકારી. આ કરીને તેણે ટીમ ઈન્ડિયાના સ્ટાર બેટ્સમેન વિરાટ કોહલીનો 3 મેચની સિરીઝમાં સૌથી વધુ રન બનાવવાનો રેકોર્ડ પણ બનાવ્યો છે.
Sports/ RCBના નવા કેપ્ટન ફાફ ડુ પ્લેસિસ પાસે છે આટલી સંપત્તિ
Photos/ 24 વર્ષની પાયલટે યુદ્ધગ્રસ્ત યુક્રેનમાંથી 800થી વધુ ભારતીયોને બહાર કાઢ્યા
