Asaduddin Owaisi leaders: પોલીસે શનિવારે હૈદરાબાદમાં AIMIMના ત્રણ નેતાઓ સામે ‘સર તન સે જુડા’ ના નારા લગાવવા બદલ કેસ નોંધ્યો છે. તેમણે કથિત રીતે 22 ઓગસ્ટના સસ્પેન્ડ કરાયેલા ભાજપના ધારાસભ્ય રાજા સિંહના વિરોધ દરમિયાન આવા સૂત્રોચ્ચાર કર્યા હતા. સદર અલી, ઝફર ખાન અને નસરીન સુલતાના વિરુદ્ધ IPCની કલમ 153-A, 506, 509 અને સાંપ્રદાયિક હિંસા અધિનિયમની કલમ 19 હેઠળ FIR દાખલ કરવામાં આવી છે. નોંધનીય છે કે આ કેસમાં પ્રભાવશાળી અને સામાજિક કાર્યકર સૈયદ અબ્દુલહુ કશાફની 25 ઓગસ્ટે હૈદરાબાદમાં ધરપકડ કરવામાં આવી હતી. જો કે લગભગ એક કલાક બાદ તેને પણ જામીન પર છોડવામાં આવ્યો હતો.
સૂત્રો અનુસાર, નેશનલ કમિશન ફોર પ્રોટેક્શન ઑફ ચાઇલ્ડ રાઇટ્સે સોશિયલ મીડિયા પર વાયરલ થયેલા ‘સર તન સે જુડા’ ના નારા લગાડતા વીડિયોની નોંધ લીધી છે. આ વીડિયોમાં જોઈ શકાય છે કે બાળકો તરફથી આવા નારા લગાવવામાં આવી રહ્યા છે. આયોગે હૈદરાબાદ પોલીસ કમિશનરને વિરોધ પ્રદર્શનમાં રાજકીય સાધન તરીકે શાળાના બાળકોનો દુરુપયોગ કરવા બદલ પગલાં લેવાનો આદેશ આપ્યો છે. તેલંગાણા હાઈકોર્ટે 9મી નવેમ્બરે ભાજપના સસ્પેન્ડેડ ધારાસભ્ય ટી રાજા સિંહને મોટી રાહત આપી છે. બંને પક્ષોને સાંભળ્યા બાદ કોર્ટે ટી રાજા સિંહને રેલીઓ અને પ્રેસ મીટ ન યોજવાની શરતો સાથે મુક્ત કરવાનો આદેશ આપ્યો છે. પ્રોફેટ મોહમ્મદ પર કથિત રીતે ટિપ્પણી કરવા બદલ પોલીસે ટી રાજા સિંહ વિરુદ્ધ પીડી એક્ટ હેઠળ કાર્યવાહી કરી હતી. ટી રાજા સિંહે ઓગસ્ટમાં પ્રોફેટ મોહમ્મદ વિશે વિવાદાસ્પદ ટીપ્પણી કર્યા બાદ તેમની સામે અનેક ફરિયાદો દાખલ કરવામાં આવી હતી. મોટી સંખ્યામાં લોકો દબીરપુરા, ભવાનીનગર, રેનબજાર, મીરચોક પોલીસ સ્ટેશનમાં ફરિયાદ નોંધાવવા પહોંચ્યા હતા. રોષે ભરાયેલા લોકોએ ભાજપના ધારાસભ્ય ટી રાજા સિંહનો વિરોધ પણ કર્યો હતો.
આ પણ વાંચો: Gujarat Assembly Election 2022/ગુજરાત ચૂંટણી ફરજમાંથી હટાવ્યા બાદ આવ્યો
