Morbi News: મોરબી(Morbi)માં વધુ એક વખત એસએમસી(SMC)ના દરોડા પડ્યા છે. શનાળા ગામ પાસે ગોડાઉનમાં 1 હજાર જેટલી દારૂ(Liquor)ની પેટી સાથે ટેલર ઝડપી પાડી 4 લોકોની ધરપકડ કરી છે. SMCના દરોડા પડતા મોરબી પોલીસ પર સવાલો ઉઠી રહ્યાં છે.
મળતી માહિતી અનુસાર, સ્ટેટ મોનિટરિંગ ટીમે (SMC) રાત્રે મોરબીના રાજપર રોડ પર એક ગોડાઉન પર દરોડો પાડ્યો હતો. જ્યાં દારૂનું કટિંગ થઈ રહ્યું હતું. દારૂના જથ્થાને એક ટ્રેલરમાંથી નાનો ટેમ્પો (છોટા હાથી)માં ટ્રાન્સફર કરવામાં આવી રહ્યો હતો. ત્યારે SMCની ટીમે સમય જોતાં જ બૂટલેગરો પર ત્રાટકી પડી હતી. દરોડામાં દારૂની અંદાજે 1000 બોટલો મળી આવી છે. પોલીસે મુદ્દામાલ ઝડપી કાર્યવાહી શરૂ કરી છે.
થોડા દિવસ પહેલા જ મોરબીના ટંકારા સ્થિત લાજઈ વિલેજ GIDC ભરડીયા રોડ શ્રી સંકલ્પ ગોડાઉન સામેના ગોડાઉનમાં દારૂનો જથ્થો રાખવામાં આવ્યો હોવાની માહિતી SMCના અધિકારીઓને મળી હતી. જેને આધારે પોલીસે અહીં દરોડો પાડ્યો હતો. જેમાં પોલીસે રૂ. 11,81,414 ની કિંમતની દારૂની 2,147 બોટલો કબજે કર્યો હતો. આ કેસમાં પોલીસે દારૂનો જથ્થો મંગાવનારા અને ગોડાઉન ભાડે રાખનારા રાજસ્થાનના કમલેશ એચ.રામ અને દારૂનો જથ્થો મોકલનારા બે શખ્સોની શોધ હાથ ધરી છે. આ કેસની વધુ તપાસ ટંકારા પોલીસ ચલાવી રહી છે.
આ પણ વાંચો:મોરબીમાં ગોડાઉન પર દોરોડો પાડી 11.81 લાખનો દારૂનો જથ્થો કબજે કરાયો
આ પણ વાંચો:મોરબીમાં SMC ની ટીમે પિસ્ટલ અને કાર્ટીજીસ સાથે આરોપીની ધરપકડ કરી
