સતત ત્રીજી સીઝનમાં, ઈન્ડિયન પ્રીમિયર લીગ (IPL) કોવિડ-19નાં ખતરામાં છે. જોકે, ભારતીય ક્રિકેટ કંટ્રોલ બોર્ડ (BCCI) એ વિશ્વની આ સૌથી મોંઘી લીગને બહાર કરવાના આયોજન અંગે હજુ સુધી કોઈ નિર્ણય લીધો નથી. પરંતુ દેશમાં કોરોના વાયરસની મહામારીને જોતા બોર્ડ પ્લાન B ની તૈયારી કરી રહ્યું છે.
આ પણ વાંચો – ડૂડલ / ગૂગલે પ્રજાસત્તાક દિવસને ખાસ ડૂડલ દ્વારા સેલિબ્રેટ કર્યો,દેશની સંસ્કૃતિ અને વારસાની ઝલક રજૂ કરી
ભારતની બહાર IPLનું આયોજન કરવાની વાત આવે ત્યારે UAE પ્રથમ પસંદગી રહ્યું છે, પરંતુ આ વખતે દક્ષિણ આફ્રિકા મજબૂત દાવેદાર બની રહ્યું છે. ક્રિકેટ સાઉથ આફ્રિકા (CSA) એ કહ્યું છે કે, તે IPL 2022 નું આયોજન કરવા માટે તૈયાર છે. જોકે BCCI એ હજુ સુધી કોઈ નિર્ણય લીધો નથી અને એવું માનવામાં આવે છે કે બોર્ડ આવતા મહિને આ અંગે સત્તાવાર નિર્ણય લેશે. ક્રિકબઝનાં અહેવાલ મુજબ, ક્રિકેટ દક્ષિણ આફ્રિકાએ BCCI ને પ્રસ્તાવ મોકલ્યો છે. બોર્ડે કહ્યું છે કે, તે ખૂબ જ ઓછા પૈસામાં ટૂર્નામેન્ટનું આયોજન કરશે. CSA એ વધુમાં કહ્યું કે, દક્ષિણ આફ્રિકામાં IPL યોજવાનો અર્થ એ થશે કે હવાઈ મુસાફરી, હોટલ અને અન્ય સુવિધાઓ પર વધુ ખર્ચ નહીં થાય. આ લીગ જોહાનિસબર્ગ અને તેની આસપાસનાં 4 સ્થળોએ યોજાશે. જો કે મોટાભાગની મેચો જોહાનિસબર્ગમાં યોજાશે. આ સિવાય સેન્ચુરિયન, વિલોમૂર અને સેનવેસ ક્રિકેટ સ્ટેડિયમમાં પણ કેટલીક મેચો યોજાશે.
આ પણ વાંચો – પ્રજાસત્તાક દિવસની પરેડ / જમીનથી આકાશ સુધી દેખાય છે ‘શૌર્ય’, રાજપથ પર ફુલ ડ્રેસ રિહર્સલમાં જોવા મળી નવા ભારતની શક્તિ
BCCI ની હાલમાં ભારતમાં જ IPL 2022નું આયોજન કરવાની યોજના છે. જો કે, જો કોરોનાને કારણે લીગને વિદેશમાં શિફ્ટ કરવી પડશે તો દક્ષિણ આફ્રિકાને સ્થળ વિકલ્પ તરીકે અજમાવી શકાય છે. BCCI એ પહેલાથી જ તમામ ફ્રેન્ચાઈઝીઓને જાણ કરી દીધી છે કે તેઓ 20 ફેબ્રુઆરી સુધીમાં સ્થળ પર અંતિમ નિર્ણય લેશે. BCCI નાં સચિવ જય શાહ પહેલા જ કહી ચૂક્યા છે કે IPL 2022 માર્ચનાં છેલ્લા અઠવાડિયાથી યોજાશે અને લીગ મે સુધી ચાલશે. IPL 2022 ની મેગા ઓક્શન 12 અને 13 ફેબ્રુઆરીએ યોજાશે.
