BCCIના પૂર્વ અધ્યક્ષ અને ભારતીય ટીમના પૂર્વ કેપ્ટન સૌરવ ગાંગુલીએ વિરાટ કોહલીના ટેસ્ટ કેપ્ટનશિપ છોડવા પર મોટું નિવેદન આપ્યું છે. તેમણે કહ્યું કે વિરાટ કોહલીએ સ્વેચ્છાએ ટેસ્ટ કેપ્ટનશિપ છોડી દીધી છે અને BCCI તેના માટે બિલકુલ તૈયાર નથી. લંડનમાં રમાયેલી વર્લ્ડ ટેસ્ટ ચેમ્પિયનશિપ (WTC Final 2023)ની ફાઇનલમાં ભારતીય ટીમની શરમજનક હાર બાદ હવે ઘણી જૂની વાતો પણ સામે આવી રહી છે. આ દરમિયાન સૌરવ ગાંગુલીએ એક મોટો ખુલાસો કર્યો છે.
ઈન્ટરવ્યુમાં કર્યો મોટો ખુલાસો
તાજેતરના એક ઇન્ટરવ્યુમાં સૌરવ ગાંગુલીએ કહ્યું, ‘મેં રોહિત શર્માને ત્રણેય ફોર્મેટમાં કેપ્ટન બનાવવાનું સમર્થન કર્યું હતું. આ પછી વિરાટ કોહલીએ ટેસ્ટની કેપ્ટન્સી છોડી દીધી હતી. જો કે BCCI ઈચ્છતું હતું કે કોહલી ટેસ્ટ કેપ્ટન તરીકે જાળવી રાખે, તેમ થયું નહીં.
રોહિત શર્માની કેપ્ટનશિપ વિશે કહી આ વાત
આ ઈન્ટરવ્યુમાં ગાંગુલીએ રોહિત શર્માની કેપ્ટન્સી વિશે આગળ કહ્યું, ‘મારું માનવું છે કે વર્તમાનમાં ત્રણેય ફોર્મેટમાં રોહિત શર્મા શ્રેષ્ઠ કેપ્ટન્સી વિકલ્પ છે. જોકે, આ સિલેક્ટરનું કામ છે. વિરાટ કોહલીએ પોતે બે વર્ષ પહેલા કેપ્ટનશીપ છોડી દીધી હતી. જો તમે મને પૂછો કે અત્યારે ટીમ માટે શું યોગ્ય છે, તો હું કહીશ કે રોહિત શર્મા અને રાહુલ દ્રવિડ કેપ્ટન તરીકે ટીમ માટે શ્રેષ્ઠ છે.
ગાંગુલીનો ફેવરિટ કેપ્ટન કોણ છે?
તેમણે કહ્યું, ‘મને લાગે છે કે રોહિત શર્મા અને રાહુલ દ્રવિડ આ વર્ષે યોજાનાર ODI વર્લ્ડ કપ સુધી ટીમનું નેતૃત્વ કરશે. જોકે મને ખબર નથી કે વર્લ્ડ કપ પછી રોહિત શર્માની યોજના શું હશે, પરંતુ આ સમયે રોહિત શર્મા અને રાહુલ દ્રવિડથી શ્રેષ્ઠ કોઈ નથી.
આ પણ વાંચો:BCCIએ જાહેર કર્યો વેસ્ટ ઈન્ડિઝ પ્રવાસનો કાર્યક્રમ,અમેરિકામાં રમાશે બે મેચ, આ તારીખથી શ્રેણી શરૂ થશે
આ પણ વાંચો:નોવાક જોકોવિચે રચ્યો ઈતિહાસ, 23મા ગ્રાન્ડ સ્લેમ ટાઈટલ સાથે નંબર 1નો મેળવ્યો તાજ
આ પણ વાંચો: રોહિત શર્માએ શરમજનક હાર બાદ ICCની કરી ટીકા, કરી આ માંગ,જાણો વિગત
આ પણ વાંચો:ભારતની મહિલા હોકી ટીમે દક્ષિણ કોરિયાને હરાવીને પહેલીવાર જુનિયર એશિયા કપનો ખિતાબ જીત્યો
આ પણ વાંચો:પાકિસ્તાન માત્ર ચાર મેચના લોભમાં પોતાની ઈજ્જત સાથે રમશે! ખુશીથી WC નો હિસ્સો બનશે
