Monsoon Update: દેશભરમાં આકરી ગરમી વચ્ચે ગુજરાતના લોકો માટે રાહતના સમાચાર સામે આવ્યા છે. હવામાન વિભાગ (IMD)એ સત્તાવાર માહિતી આપી હતી કે ગુજરાતમાં ચોમાસું પ્રવેશ્યું છે. IMDના જણાવ્યા અનુસાર દક્ષિણ ગુજરાતના નવસારી અને વલસાડથી ચોમાસાનું આગમન થયું છે. તે જ સમયે, રાજ્યના દક્ષિણ ભાગોમાં આગામી 5 દિવસ સુધી વરસાદની સંભાવના છે.
ચોમાસુ સમય પહેલા ગુજરાતમાં પ્રવેશી ગયું
સામાન્ય રીતે ગુજરાતમાં 20 જૂનથી ચોમાસું શરૂ થાય છે, પરંતુ આ વખતે દક્ષિણ-પશ્ચિમ ચોમાસું સમય પહેલા રાજ્યમાં પહોંચી ગયું છે. ચોમાસાના આગમનથી લોકોને કાળઝાળ ગરમીમાંથી રાહત મળશે. જો કે સમગ્ર ગુજરાતને આવરી લેતા ચોમાસાને એક સપ્તાહનો સમય લાગી શકે છે.
IMD અનુસાર, 12 જૂને પંચમહાલ, દાહોદ, મહિસાગર, વલસાડ, તાપી, ડાંગ, સુરત, ભરૂચ, નર્મદા, છોટાઉદેપુર, વડોદરા, અમરેલી, ભાવનગર, ગીર સોમનાથ, દીવમાં વરસાદની આગાહી છે. જ્યારે 13 જૂને સાબરકાંઠા, ગાંધીનગર, અરવલી, ખેડા, અમદાવાદ, આણંદ, પંચમહાલ, દાહોદ મહિસાગર, વડોદરા, છોટાઉદેપુર, નર્મદા, ભરૂચ, સુરત, ડાંગ, નવસારી, વલસાડ, તાપી, દમણ, દાદરા નગર હવેલી, અમરેલી, ભાવનગર , ગીર સોમનાથ, દીવમાં વરસાદની આગાહી.
હવામાન વિભાગના જણાવ્યા અનુસાર 14 જૂને સુરત, ડાંગ, નવસારી, વલસાડ, દમણ, દાદરા નગર હવેલી, અમરેલી, ભાવનગર, ગીર સોમનાથ, દીવમાં વરસાદની આગાહી છે. આ ઉપરાંત 15 જૂને સુરત, ડાંગ, નવસારી, વલસાડ, દમણ, દાદરા નગર હવેલી, અમરેલી, ભાવનગર, ગીર સોમનાથ, દીવમાં વરસાદની આગાહી છે.
16મી જૂને ગુજરાતના નવસારી, વલસાડ, દમણ, દાદરા નગર હવેલી, અમરેલી, ભાવનગર, ગીર સોમનાથ, દીવમાં ચોમાસું પહોંચશે, ત્યારબાદ આ વિસ્તારોમાં વરસાદની શક્યતા છે. જ્યારે 17 જૂને નવસારી, વલસાડ, દમણ, દાદરા નગર હવેલી, અમરેલી, ભાવનગર, ગીર સોમનાથ, દીવમાં વરસાદની આગાહી છે.
આ પણ વાંચો: ભારે પવન બાદ અમદાવાદમાં મોડી રાત્રે વરસાદ
આ પણ વાંચો: સિવિલ હોસ્પિટલની ઘોર ખોદાઈ, નિયમોનો સરેઆમ થતો ભંગ, આરોગ્ય વિભાગ કુંભકર્ણ નિંદ્રામાં
આ પણ વાંચો: ડુમસ જમીનકાંડમાં વલસાડના કલેક્ટર અને IAS અધિકારી આયુષ ઓક સસ્પેન્ડ
