લંડન ઓલિમ્પિક બ્રોન્ઝ મેડલ વિજેતા મેરી કોમે 48 કિલો લાઇટ ફ્લાઇટવેટ વર્ગની સેમીફાઇનલમાં જાપાનની સુબાસા કોમૂરાને એકતરફી મુકાબલામાં 5-0થી હાર આપી હતી. પાંચ વખતની વર્લ્ડ ચેમ્પિયન બોક્સર એમસી મેરી કોમે એશિયન ચેમ્પિયનશિપ ટૂર્નામેન્ટની ફાઇનલમાં પ્રવેશ કર્યો છે. ત્યારે આની સાથે જ મેરી કોમે ટૂર્નામેન્ટમાં પોતાનો છઠ્ઠો મેડલ પાક્કો કરી લીધો છે.
જો કે આ પહેલા તેણે કર્વાટર ફાઇનલમાં ચીની તાઇપેની મેંગ ચિએ પિનને હરાવી અંતિમ ચારમાં સ્થાન મેળવ્યું છે તો ફાઇનલમાં પહોંચતાની સાથે જ મેરી કોમની નજર હવે પાંચમા ગોલ્ડ મેડલ પર હશે. જો કે ટૂર્નામેન્ટમાં તેણે 2003, 2005, 2010 અને 2012 માં ગોલ્ડ મેડલ જીત્યા છે.