મોસ્કો,
રશિયામાં રમાઈ રહેલા ફિફા વર્લ્ડકપ ૨૦૧૮માં મંગળવારે પ્રી- ક્વાર્ટર ફાઈનલનો જંગ સમાપ્ત થયા બાદ હવે ફુટબોલનો મહાકુંભ તેના અંતિમ દોર તરફ આગળ વધી રહ્યો છે. અંતિમ-૧૬ના મુકાબલા બાદ હવે અંતિમ – ૮ ટીમો સામે આવી છે, ત્યારે આ ટીમો વચ્ચે જોરદાર ટક્કર થવાની સંભાવના છે.
આર્જેન્ટીના, ગત ચેમ્પિયન જર્મની, પોર્ટુગલ અને સ્પેન જેવી દુનિયાની દિગ્ગજ ટીમો પહેલેથી જ વર્લ્ડકપમાંથી બહાર થઈ ચુકી છે, જયારે યજમાન રશિયા પહેલી વખત વર્લ્ડકપના ક્વાર્ટર ફાઈનલમાં એન્ટ્રી મારી છે જયારે પાંચ વારની વર્લ્ડ ચેમ્પિયન ટીમ બ્રાઝિલે ૭મી વખત અંતિમ-૮માં પોતાનું સ્થાન નિશ્ચિત કર્યું છે.
ફિફા વર્લ્ડકપના અંતિમ – ૧૬ના મુકાબલા સમાપ્ત થયા બાદ આઠ ટીમો સામે આવી છે એમાં ઉરુગ્વે, ફ્રાંસ, બ્રાઝિલ, બેલ્જિયમ, સ્વીડન, ઈંગ્લેંડ, રશિયા અને ક્રોએશિયાનો સમાવેશ થાય છે.
ફૂટબોલ મહાકુંભની આ ૮ ટીમો વચ્ચે જામશે જોરદાર ટક્કર :
(૧). પ્રથમ ક્વાર્ટર ફાઈનલ : ઉરુગ્વે v/s ફ્રાંસ
તારીખ : ૬ જુલાઈ
સમય : સાંજે ૭.૩૦ વાગ્યે
(૨). બીજી ક્વાર્ટર ફાઈનલ : બ્રાઝિલ v/s બેલ્જિયમ
તારીખ : ૬ જુલાઈ
સમય : રાત્રે ૧૧.૩૦ વાગ્યે
(૩). ત્રીજી ક્વાર્ટર ફાઈનલ : સ્વીડન v/s ઈંગ્લેંડ
તારીખ : ૭ જુલાઈ
સમય : સાંજે ૭.૩૦ વાગ્યે
(૪). ચોથો ક્વાર્ટર ફાઈનલ : રશિયા v/s ક્રોએશિયા
તારીખ : ૭ જુલાઈ
સમય : સાંરાત્રે ૧૧.૩૦ વાગ્યે