મેલબર્ન,
મેલબર્નના MCG ગ્રાઉન્ડ ખાતે રમાયેલી ભારત અને ઓસ્ટ્રેલિયા વચ્ચેની અંતિમ મેચમાં ભારતીય ટીમે ઐતિહાસિક જીત હાંસલ કરી છે. ત્રીજી વન-ડેમાં ટોસ હારીને પ્રથમ બેટિંગ કરતા ઓસ્ટ્રેલિયાની ટીમ ૨૩૦ રન બનાવી ઓલઆઉટ થઇ ગયા છે ભારતને ૨૩૧ રનનો ટાર્ગેટ આપ્યો હતો.
ભારતે ૨૩૧ રનનો ટાર્ગેટ ૪૯.૨ ઓવરમાં જ વટાવી ત્રણ મેચની શ્રેણી ૨-૧થી જીતી લીધી છે. ભારત તરફથી પૂર્વ કેપ્ટન અને વિકેટકીપર બેટ્સમેન એમ એસ ધોનીએ ૮૭ રન અને આ શ્રેણીમાં પોતાની પ્રથમ મેચ રમી રહેલા કેદાર જાધવે ૬૧ રનની મેચ વિનિંગ રમી હતી.
આ જીત સાથે જ છેલ્લા ૭૦ વર્ષમાં આ પહેલો મૌકો છે જયારે ઓસ્ટ્રેલિયાની ધરતી પર ભારતે કોઈ દ્વિપક્ષીય શ્રેણી જીતી છે.
ઓસ્ટ્રેલિયા દ્વારા આપવામાં આવેલા ૨૩૧ રનના ટાર્ગેટ સામે ભારતે અત્યારસુધીમાં ૧ વિકેટના નુકશાને ૫૪ રન બનાવ્યા છે. સ્ફોટક ઓપનર બેટ્સમેન રોહિત શર્મા ૯ રન, શિખર ધવન ૨૩ રન અને કેપ્ટન વિરાટ કોહલી ૪૬ રન બનાવી આઉટ થયા હતા.
ઓસ્ટ્રેલિયા ૨૩૦ રનમાં થયું ઓલઆઉટ
યજમાન ટીમ તરફથી કેપ્ટન એરોન ફિન્ચ ૧૪ રન, એલેક્સ કેરી ૫ રન, ઉસ્માન ખ્વાજા ૩૪ રન, ગ્લેન મેક્સવેલ ૨૬ રન અને શોન માર્શ ૩૯ રન બનાવી આઉટ થયા હતા. જયારે પીટર હેન્ડ્સકોમ્બે સૌથી વધુ ૫૮ રન બનાવ્યા હતા.
ભારત તરફથી આ સિરીઝમાં પોતાની પ્રથમ મેચ રમી રહેલા સ્પિન બોલર યુજ્વેન્દ્ર ચહલે શાનદાર બોલિંગ કરતા ૬ વિકેટ ઝડપી છે, જયારે ભુવનેશ્વર કુમાર અને મોહમ્મદ શામીએ ૨ -૨ વિકેટ ઝડપી છે.
