કાશ્મીરમાં આતંકવાદીઓએ મંગળવારે ત્રણ અલગ અલગ જગ્યાએ ત્રણ વ્યક્તિઓની હત્યા કરી હતી. શ્રીનગરના લાલ ચોક પર મંગળવારે સાંજે આતંકવાદીઓએ હુમલો કર્યો હતો. આ હુમલામાં એક વ્યક્તિનું મોત થયું છે. આતંકી હુમલામાં જીવ ગુમાવનાર વ્યક્તિની ઓળખ કાશ્મીરી પંડિત માખન લાલ બિન્દરૂ તરીકે થઈ છે. તે જ સમયે, આતંકવાદીઓએ લાલ બજાર વિસ્તારમાં એક બિન-સ્થાનિક વ્યક્તિને પણ ગોળી મારીને હત્યા કરી હતી. આ પછી ત્રીજો હુમલો બાંદીપોરાના હાજીનમાં કરવામાં આવ્યો હતો. જેમાં એક વ્યક્તિની હત્યા કરવામાં આવી હતી. ઉપરોક્ત ત્રણ વિસ્તારોમાં હુમલાખોરોની શોધમાં કામગીરી હાથ ધરવામાં આવી રહી છે.

તમને જણાવી દઈએ કે આતંકવાદીઓએ ઈકબાલ પાર્ક પાસે માખન લાલ બિન્દરૂ પર ગોળીબાર કર્યો હતો. તેમને ઈજાગ્રસ્ત હાલતમાં હોસ્પિટલ લઈ જવામાં આવ્યા હતા. જ્યાં તેનું મોત નીપજ્યું હતું. પોલીસે જણાવ્યું કે વિસ્તારને ઘેરી લેવામાં આવ્યો છે અને આતંકીઓને પકડવા માટે શોધખોળ ચાલી રહી છે. આ પહેલા 17 સપ્ટેમ્બરના રોજ આતંકવાદીઓએ પોલીસમાં અનુયાયી તરીકે કામ કરતા બન્ટુ શર્માને નજીકથી ગોળી મારીને હત્યા કરી હતી. આ પરિવાર 30 વર્ષથી વધુ સમયથી કાશ્મીરમાં રહે છે.

લેફ્ટનન્ટ ગવર્નર મનોજ સિંહા, ઓમર અબ્દુલ્લા અને મહેબૂબા મુફ્તીએ હુમલાની નિંદા કરી હતી

લેફ્ટનન્ટ ગવર્નરે કહ્યું કે બિન્દરૂ મેડિકેટના માલિક માખન લાલ બિંદુ પર આતંકવાદી હુમલા વિશે સાંભળીને દુઃખ થયું. હું આ કાયરતાપૂર્ણ હુમલાની સખત નિંદા કરું છું. શોકગ્રસ્ત પરિવાર પ્રત્યે મારી ઊંડી સંવેદના. ગુનેગારોને ટૂંક સમયમાં ઝડપી પાડવામાં આવશે. પૂર્વ મુખ્યમંત્રી ઓમર અબ્દુલ્લાએ કહ્યું કે ખૂબ જ દુ:ખદ સમાચાર છે.  બિન્દરૂ ખૂબ જ દયાળુ માણસ હતા. આતંકવાદની ચરમસીમા દરમિયાન પણ તેમણે ખીણ છોડ્યું ન હતું. હું આ હત્યાની નિંદા કરું છું અને તેમના પરિવાર પ્રત્યે સંવેદના વ્યક્ત કરું છું. તે જ સમયે, મહેબૂબા મુફ્તીએ કહ્યું કે હું હત્યાની નિંદા કરું છું. આ પ્રકારની હિંસાને સમાજમાં કોઈ સ્થાન નથી.

કાશ્મીરી પંડિતોને નિશાન બનાવી હુમલામાં પાકિસ્તાનનું કાવતરું

કાશ્મીરી પંડિતોને ખીણમાં પરત ફરવાના પ્રયાસો અને તેમની મિલકતોને ઘટાડવાની કવાયત વચ્ચે પાકિસ્તાને ફરી 1990 જેવી સ્થિતિનું ષડયંત્ર રચ્યું છે. તેમને નિશાન બનાવતા કાશ્મીરી પંડિતો પરના હુમલા આની પુષ્ટિ કરે છે. નેવુંના દાયકામાં પણ આવી જ સ્થિતિ સર્જાઈ હતી, ત્યારબાદ કાશ્મીરી પંડિતોને ખીણ છોડવાની ફરજ પડી હતી.

આતંકીઓ ISI ના ઈશારે હુમલાઓ કરી રહ્યા છે

સૂત્રોનું કહેવું છે કે પાકિસ્તાન અને તેની ગુપ્તચર એજન્સી ISI ને ગમતું નથી કે સરકારે કાશ્મીરી પંડિતોની મિલકતો પરથી કબજો હટાવવાની ઝુંબેશ શરૂ કરી છે. તેના કારણે પાકિસ્તાને આ સમાજને નિશાન બનાવવાની જવાબદારી આતંકવાદી સંગઠન લશ્કર-એ-તૈયબા, જૈશ-એ-મોહમ્મદ અને ટીઆરએફ (ધ રેઝિસ્ટન્સ ફ્રન્ટ) ને સોંપી છે. સમગ્ર કાવતરું લોકોમાં ભયનું વાતાવરણ ઉભું કરવાનું છે. આ કાવતરા હેઠળ આતંકવાદીઓએ છેલ્લા કેટલાક દિવસોથી કાશ્મીરી પંડિતો પર હુમલાઓ તેજ કર્યા છે.

લાલ બજારમાં બિન સ્થાનિક વેન્ડરની ગોળી મારી હત્યા

શ્રીનગરના લાલ ચોક બાદ આતંકવાદીઓએ લાલ બજારમાં હુમલો કર્યો હતો. આ હુમલામાં એક બિન-સ્થાનિક વ્યક્તિને ગોળી મારી દેવામાં આવી હતી. એક પોલીસ અધિકારીએ જણાવ્યું કે આતંકવાદીઓએ ભેલપુરી વેચતા વેપારીને ગોળી મારી હતી. તેનું ઘટનાસ્થળે જ મોત નીપજ્યું હતું.

હાજીનમાં નાગરિકની ગોળી મારી હત્યા

આતંકીઓએ બાંદીપોરા કેહજીન વિસ્તારમાં મોહમ્મદ શફી પર ગોળીબાર કર્યો હતો, જેમાં તે ગંભીર રીતે ઘાયલ થયો હતો. તેને તાત્કાલિક હોસ્પિટલમાં લઈ જવામાં આવ્યો હતો પરંતુ દાખલ કરવામાં આવે તે પહેલા જ તેનું મોત નીપજ્યું હતું.

GCRIની સોનેરી સિદ્ધિ / દસ સે.મીના બ્રાઉન ટ્યુમરની સફળ સર્જરી, ભારતમાં અત્યાર સુધીના સૌથી મોટી સર્જરી

લખીમપુર ખેરી હિંસા / નવજોત સિંહ સિદ્ધુની યોગી સરકારને ચેતવણી, કહ્યું- જો કાલ સુધી …

પાલિકાનું પરિણામ  / ભાજપે ફરી એકવાર સાબિત કરી દીધુ છે કે તેને હરાવું કે હફાવું ખુબજ મુશ્કેલ છે

T 20 વર્લ્ડકપ / ભારત અને પાકિસ્તાન વચ્ચેની મેચ ચાહકોના ધબકારા સાથે, પ્રસારણ કંપનીઓના ખિસ્સાનું વજન પણ વધારશે

આર્યન ખાન ડ્રગ્સ કેસ / ધરપકડ કરાયેલા અરબાઝ મર્ચન્ટના પિતાએ તોડ્યું મૌન, કહ્યું – બંને નિર્દોષ છે…