@સંજય મહંત, મંતવ્ય ન્યૂઝ – સુરત
સુરતના સોની ફળિયા ખાતે બિસ્માર રોડના કારણે સ્થાનિકો અને દુકાનદારોએ હાથ પર કાળી પટ્ટી બાંધી વિરોધ નોંધાવ્યો હતો. દુકાનદારોએ જણાવ્યું હતું કે આ અંગે અમે અનેક રજુઆતો કરી છે પરંતુ કોઈ નિવેડો આવ્યો નથી જેથી ના છૂટકે વિરોધ નોંધાવવો પડી રહ્યો છે.
ધારાસભ્ય ગુમ / નવજોતસિંહ સિદ્ધુ ગુમ થયા હોવાના લાગ્યા પોસ્ટર, જાણ કરનારને મળશે 50 હજારનું ઈનામ
સુરતના સોની ફળિયા નજીક રોડ બિસ્માર હાલતમાં છે. જેને લઈને અહી રહેતા સ્થાનિકો અને દુકાનદારોને ખુબ જ તકલીફ પડી રહી છે. જેથી રહીશો અને દુકાનદારોએ હાથ પર કાળી પટ્ટી બાંધીને વિરોધ નોંધાવ્યો હતો. શહેરમાં ચોમાસાને ગણતરીના દિવસો બાકી રહ્યાં છે. ત્યારે પ્રિ-મોન્સૂન પૂર્વે જ સોની ફળિયા વિસ્તારના લોકોએ થર્ડ કલાસ રોડને લઈ પાલિકા સામે નારાજગી વ્યક્ત કરી રોષે ભરાયા છે. પાણીની ભીંત સુધીના રોડને લઈ નાના વેપારીઓએ સવારથી સાંજ સુધી બ્લેક ડે મનાવવાનું નક્કી કરી કાળી પટ્ટી પહેરી પાલિકાનો વિરોધ કર્યો છે. રોડ મુદ્દે વેપારીઓની આ લડતમાં સ્થાનિક દુકાનદારો અને રહેવાસીઓ પણ આ જોડી કાળી પટ્ટી તેમને બાંધી છે.
હુમલો / કોરોના દર્દીનું મોત થતા ડોક્ટરને ઢોર માર મારવામાં આવ્યો, વીડિયો વાયરલ
ગાંધી ચિંધ્યા માર્ગે આંદોલન ચાલુ રાખીશું : દુકાનદારો
દુકાનદાર રમેશભાઈએ જણાવ્યું હતું કે સોની ફળિયા મેઈન રોડ પર તેઓની દુકાન આવેલી છે. અને અહી બિસ્માર રોડના કારણે તેઓને ભારે હાલાકી ભોગવવી પડી રહી છે. અમે બે મહિનાથી મનપા અને કોર્પોરેટરોને રજુઆતો કરી છે. પરંતુ અમારી કોઈ રજૂઆત સાંભળવામાં આવી નથી. જેથી ના છૂટકે અમે વિરોધ નોંધાવી રહ્યા છે. અને આગામી સમયમાં પણ જો અમારી માંગ પૂરી નહિ થાય તો અમે ગાંધી ચીંધ્યા માર્ગે આંદોલન ચાલુ રાખીશું.
