Odisha News : ઓડિશામાં એક ચકચારી કિસ્સો સામે આવ્યો છે. કંધમાલ જિલ્લાના ફિરંગિયા બ્લોકના સલાગુડામાં આવેલી સેવાશ્રમ સ્કૂલમાં આ બનાવ બન્યો હતો. જેમાં 8 વિદ્યાર્થીઓ ઉંઘી રહ્યા હતા ત્યારે કેટલાક સહાધ્યાયીઓએ તેમની આંખમાં ફેવિકિ્િક નાંખી દીધી હતી.જેના કારણે આ વિદ્યાર્થીઓની આંખો ચોંટી ગઈ હતી, જેથી તાત્કાલિક તેમને હોસ્પિટલમાં દાખલ કરવામાં આવ્યા હતા.
આ સમગ્ર મામલો સેવાશ્રમ સ્કૂલના હોસ્ટેલનો હોવાનું કહેવાય છે. કલેક્ટરે હાલમાં આ સમગ્ર ઘટનાની તપાસના આદેશ આપ્યા છે.મળતી માહિતી પ્રમાણે કંધમાલ જિલ્લાના ફિરંગિયા તાલુકાના સલાગુડામાં સેવાશ્રમ સ્કૂલ છે. વિદ્યાર્થીઓ અહીં શુક્રવારે મોડી રાત્રે જ્યારે હોસ્ટેલમાં સૂતા હતા, ત્યારે કેટલાક સહાધ્યાયીઓ 8 વિદ્યાર્થીઓની આંખોમાં ફેવિકિક નાખી હતી. જેના કારણે વિદ્યાર્થીઓની આંખો ચોંટી ગઈ હતી.
આંખો ચોટી જવાના કારણે વિદ્યાર્થીઓ આંખો ખોલી શકતાં ન હતા. જેથી તેમને તાત્કાલિક ગોછાપાડા હોસ્પિટલમાં લઈ જવામાં આવ્યા હતા અને સારવાર શરુ કરાવવામાં આવી હતી. તો કેટલાક વિદ્યાર્થીઓને જિલ્લાની મુખ્ય હોસ્પિટલમાં શિફ્ટ કરવામાં આવ્યા હતા. જ્યા હાલમાં આ વિદ્યાર્થીઓ સારવાર હેઠળ છે. ડોક્ટરે પુષ્ટી કરી કે, ફેવીકિક નાખવાથી આંખોને નુકસાન થયું છે. જો કે, સમયસર સારવાર મળતા ગંભીર ઘટનાને રોકી શકવામાં સફળતા મળી હતી.
આ પણ વાંચો:PM મોદી આજે ‘જ્ઞાન ભારતમ’ પોર્ટલ લોન્ચ કરશે, તે હસ્તપ્રતોના ડિજિટાઇઝેશન તરફ એક મોટું પગલું લેવાશે !
આ પણ વાંચો:ટ્રમ્પ ભારત સાથે વેપાર વાટાઘાટો માટે તૈયાર, કહ્યું – હું PM મોદી સાથે વાત કરવા આતુર છું
આ પણ વાંચો:GST દરોમાં ધરખમ ઘટાડો કરવા બદલ CM ભૂપેન્દ્ર પટેલે PM મોદીનો માન્યો આભાર
