Ahmedabad News:પૂર્વ અને પશ્ચિમ અમદાવાદને જોડતા સૌથી વ્યસ્ત પુલો પૈકીના એક સુભાષ બ્રિજનો એક ભાગ તૂટી પડવાની અને તેમાં તિરાડો પડવાની ઘટના બાદ, મ્યુનિસિપલ કોર્પોરેશને બ્રિજ નિષ્ણાત એજન્સીઓ પાસેથી મળેલા અહેવાલો રાજ્ય સરકાર અને મ્યુનિસિપલ કોર્પોરેશનને સુપરત કર્યા છે. ત્યારે સુભાષ બ્રિજ (Subhash bridge) અંગે મુખ્યમંત્રી તરફથી મહત્વનો નિર્ણય લેવામાં આવ્યો છે. તેવું સૂત્રો દ્રારા માહિતી મળી છે. બ્રિજના પિલર સિવાયના સ્ટ્રક્ચરને હવે તોડી પડાશે.
ક્ષતિ ગ્રસ્ત બ્રિજ અંગે મુખ્યમંત્રીએ લીધો નિર્ણય
અંતિમ નિર્ણય લેવામાં આવે તે પહેલાં, અમદાવાદ મ્યુનિસિપલ કોર્પોરેશને (AMC) સુભાષ બ્રિજનો (Subhash bridge) ડિજિટલ સર્વે કરવાનો નિર્ણય લીધો છે, અને એક નિષ્ણાત એજન્સીએ જર્મન ટેકનોલોજી, AI અને 3D મેપિંગનો ઉપયોગ કરીને સર્વે શરૂ કરી દીધો છે. ડિજિટલ સર્વે લગભગ એક અઠવાડિયામાં પૂર્ણ થવાની ધારણા છે; જોકે, મ્યુનિસિપલ કોર્પોરેશન દ્વારા પ્રાપ્ત પ્રારંભિક અહેવાલના આધારે આજે નિર્ણય લેવામાં આવશે.
અગાઉ, વિવિધ નિષ્ણાતો દ્વારા સુભાષ બ્રિજનું (Subhash bridge) પરીક્ષણ કરવામાં આવ્યું હતું, અને કન્સલ્ટિંગ એજન્સીઓએ પુલને તોડી પાડવાની ભલામણ કરી હતી. પુલની ઉંમર 50 વર્ષથી વધુ છે, જૂની ટેકનોલોજી અને વધતા ટ્રાફિકના ભારણને કારણે, તેને તોડી પાડવાને શ્રેષ્ઠ વિકલ્પ માનવામાં આવે છે.
સુભાષ બ્રિજના (Subhash bridge) પિલર સિવાયના સ્ટ્રક્ચરને તોડી પડાશે
4 ડિસેમ્બરના રોજ,અમદાવાદમાં સુભાષ બ્રિજમાં (Subhash bridge) તિરાડો દેખાઈ હતી અને સ્પાનનો એક ભાગ તૂટી પડ્યો હતો. આ ઘટના બાદ, અધિકારીઓએ પુલ બંધ કરી દીધો હતો અને તાત્કાલિક તપાસ શરૂ કરી હતી. મ્યુનિસિપલ કોર્પોરેશને પુલની માળખાકીય અખંડિતતાનું પરીક્ષણ કરવાનું અને સમારકામની પદ્ધતિઓ સૂચવવાનું કાર્ય ઘણી એન્જિનિયરિંગ કન્સલ્ટિંગ એજન્સીઓને સોંપ્યું હતું. IIT રૂરકી, IIT બોમ્બે અને SVNIT જેવી સંસ્થાઓ દ્વારા પણ પરીક્ષણો કરવામાં આવ્યા હતા.
આ પણ વાંચો: સુભાષબ્રિજ પાંચ દિવસ માટે બંધ કરાતા વાહનચાલકોને ભારે હાલાકી
આ પણ વાંચો: શહેરની ટ્રાફિક સમસ્યા વધી, પશ્ચિમ અમદાવાદને જોડતો સરસપુર બ્રિજ થયો બંધ
આ પણ વાંચો:અમદાવાદમાં સુભાષબ્રિજ તોડીને નવો પુલ બનાવવો શ્રેષ્ઠ વિકલ્પ
