દેશની સર્વોચ્ચ અદાલતના ચીફ જસ્ટિસ ડો. ડી.વાય. ચંદ્રચૂડ આજે ગુજરાતમાં આગમન કરી દ્વારકાધીશના દર્શન કર્યા. આજે સુપ્રીમ કોર્ટના ચીફ જસ્ટિસ ચંદ્રચૂડે ચુસ્ત પોલીસ બંદોબસ્ત વચ્ચે દેવભૂમિની દ્વારકાની મુલાકાત લીધી. તેમની સાથે જિલ્લા પોલીસ વડા નિતેશ પાંડેય તેમજ ડીવાયએસપી સમીર સારડા સહિત પોલીસનો કાફલો સુરક્ષામાં ખડેપગે હતો. દ્વારકામાં તેમણે ધજા પૂજન અને પાદુકાપૂજનનો લાભ લીધો.
ચીફ જસ્ટિસ ડો. ડી.વાય. ચંદ્રચૂડે જગતમંદિરમાં ભગવાન શ્રીકૃષ્ણના દર્શન કર્યા બાદ દેવભૂમિ દ્વારકામાં આવેલ કાનૂની સહાય કેન્દ્રની મુલાકાત લીધી. દ્વારકામાં હજારોની સંખ્યામાં આવતા મંદિર દર્શન કરવા આવતા દર્શનાર્થીઓને કાનૂની સહાય મળી રહે અને લોકોમાં કાનૂની જાગૃતિ આવે તે માટે કાનૂની સહાયતા કેન્દ્રની સ્થાપના કરવામાં આવી છે. કાનૂની જાગૃતિ લાવવા કરાતા પ્રયાસની પ્રશંસા કરી. ચીફ જસ્ટિસ ચંદ્રચૂડ દ્વારકામાં ભગવાન શ્રીકૃષ્ણના દર્શન કર્યા બાદ નાગેશ્વર ખાતે દર્શન અર્થે ગયા.
સુપ્રીમ કોર્ટના મુખ્ય ન્યાયાધીશ ચંદ્રચૂડ દ્વારકા ખાતે આવેલા જગતમંદિરની મુલાકાત લીધી. મુખ્ય ન્યાયાધીશને લઈને દ્વારકામાં ચુસ્ત બંદોબસ્ત રાખવામાં આવ્યા હતો. આ મુલાકાતમાં તેમની સાથે ગુજરાત હાઇકોર્ટના જસ્ટીસ શ્રી એમ.આર. મેંગડે, દેવભૂમિ દ્વારકાના ડીસ્ટ્રીક્ટ જજ શ્રી તથા જિલ્લા કાનૂની સેવા સત્તા મંડળના ચેરમેન શ્રી એસ.વી. વ્યાસ, નામદાર ગુજરાત હાઇકોર્ટના જ્યુડીસીયલ બ્રાન્ચ રજિસ્ટ્રાર શ્રી એસ.ડી. સુથાર, જિલ્લા કલેકટર શ્રી અશોક શર્મા, જિલ્લા વિકાસ અધિકારી એસ.ડી. ધાનાણી, પોલીસ અધિક્ષક નિતેશ પાંડેય, ડી.એલ એસ.એ. સેક્રેટરી, એ.એસ.પી. રાઘવ જૈન, પ્રાંત અધિકારી ભગોરા, મંદિર સુરક્ષાના ડીવાયએસપી સારડા, તથા ડિસ્ટ્રીક્ટ કોર્ટના પ્રોટોકોલ ઓફિસર, જિલ્લા કાનૂની સેવા સત્તા મંડળ ના કર્મચારીઓ, તાલુકા કાનૂની સેવા સમિતિના કર્મચારી તથા પી.એલ.વી. વિગેરે ઉપસ્થિત રહ્યા હતા.
આ પણ વાંચો:
આ પણ વાંચો:
આ પણ વાંચો:
આ પણ વાંચો:
