Surendranagar News: સુરેન્દ્રનગર જિલ્લામાં વઢવાણ-લખતર રોડ પર બનેલી હિટ એન્ડ રન (Surendranagar Hit and Run)ની ગમખ્વાર ઘટનામાં એક જ પરિવારના ત્રણ સભ્યોનાં મોત થતાં અરેરાટી ફેલાઈ છે. દેદાદરા ગામ નજીક અજાણ્યા વાહને બાઈકને ટક્કર મારતાં માતા અને પુત્રનું ઘટનાસ્થળે જ મોત થયું હતું. જ્યારે ગંભીર રીતે ઈજાગ્રસ્ત પતિનું પણ સારવાર દરમિયાન મોત થતાં પરિવાર પર દુઃખનો પહાડ તૂટી પડ્યો છે.

મૃતક રવિભાઈ પરમાર લખતર તાલુકા પંચાયતમાં ટેક્નિકલ આસિસ્ટન્ટ તરીકે ફરજ બજાવતા હોવાનું જાણવા મળ્યું છે. અકસ્માત બાદ અજાણ્યો વાહનચાલક વાહન સાથે ફરાર થઈ ગયો હતો. વઢવાણ પોલીસે અકસ્માતે મોતનો ગુનો નોંધી ફરાર વાહનચાલકને શોધવા તપાસ શરૂ કરી છે.

રાત્રે બાઈક પર પરિવાર રતનપર જઈ રહ્યો હતો

મળતી માહિતી મુજબ રવિભાઈ પરમાર પોતાની પત્ની દીપિકાબેન પરમાર અને પુત્ર દિવ્યેશ સાથે બાઈક પર લખતરથી સુરેન્દ્રનગરના રતનપર ખાતે આવેલા પોતાના ઘરે પરત ફરી રહ્યા હતા. વઢવાણ-લખતર રોડ પર દેદાદરા ગામ નજીક પહોંચ્યા ત્યારે પાછળથી અથવા સામેથી આવેલા અજાણ્યા વાહને તેમની બાઈકને જોરદાર ટક્કર મારી હતી. ટક્કર એટલી ગંભીર હતી કે બાઈક સવાર પરિવાર રસ્તા પર પટકાયો હતો. અકસ્મતમાં દીપિકાબેન અને તેમના પુત્ર દિવ્યેશને ગંભીર ઈજાઓ થતાં બંનેનું ઘટનાસ્થળે જ મોત થયું હતું.

ગંભીર ઈજાગ્રસ્ત પતિનું સારવાર દરમિયાન મોત

અકસ્મતમાં રવિભાઈ પરમારને પણ ગંભીર ઈજાઓ પહોંચી હતી. આસપાસના લોકો અને પોલીસની મદદથી તેમને તાત્કાલિક સારવાર માટે સુરેન્દ્રનગરની હોસ્પિટલમાં ખસેડવામાં આવ્યા હતા. હોસ્પિટલમાં સારવાર દરમિયાન તેમની સ્થિતિ વધુ ગંભીર બની હતી અને અંતે તેમણે પણ દમ તોડી દીધો હતો. આ સાથે જ અકસ્માતમાં પરિવારના ત્રણેય સભ્યોનાં મોત થતાં સમગ્ર વિસ્તારમાં શોકની લાગણી ફેલાઈ છે.

ત્રણેય સભ્યોને કાળ આંચકી ગયો

એકસાથે પરિવારના ત્રણ સભ્યોનાં મોતથી સ્વજનો પર આભ તૂટી પડ્યું છે. જે પરિવાર સામાન્ય રીતે ઘરે પરત ફરી રહ્યો હતો, તે પરિવાર માટે આ મુસાફરી અંતિમ સફર બની ગઈ. મૃતક રવિભાઈ પરમાર સરકારી તંત્ર સાથે જોડાયેલા કર્મચારી હતા અને લખતર તાલુકા પંચાયતમાં ટેક્નિકલ આસિસ્ટન્ટ તરીકે ફરજ બજાવતા હોવાનું સામે આવ્યું છે.

Surendranagar Hit and Run: અજાણ્યો વાહનચાલક અકસ્માત બાદ ફરાર

અકસ્મત બાદ ટક્કર મારનાર અજાણ્યો વાહનચાલક ઘટનાસ્થળે રોકાયો નહોતો અને વાહન સાથે ફરાર થઈ ગયો હતો. ઘટનાની જાણ થતાં આસપાસના લોકો ઘટનાસ્થળે એકત્ર થયા હતા અને પોલીસને જાણ કરવામાં આવી હતી. વઢવાણ પોલીસની ટીમ તાત્કાલિક સ્થળ પર પહોંચી હતી અને જરૂરી કાર્યવાહી હાથ ધરી હતી.

CCTV અને ટેક્નિકલ સર્વેલન્સથી તપાસ

વઢવાણ પોલીસ અકસ્માત (Surendranagar Hit and Run) સર્જનાર અજાણ્યા વાહનચાલકની ઓળખ મેળવવા માટે તપાસ કરી રહી છે. પોલીસ દ્વારા આસપાસના વિસ્તારમાં આવેલા CCTV કેમેરાના ફૂટેજ તપાસવામાં આવી રહ્યા છે. આ ઉપરાંત વાહન અને તેના ચાલક સુધી પહોંચવા માટે અન્ય ટેક્નિકલ સ્રોતોની પણ મદદ લેવામાં આવી રહી છે. પોલીસનું મુખ્ય ધ્યાન અકસ્માત (Surendranagar Hit and Run) બાદ ફરાર થયેલા વાહનચાલકને શોધવા પર છે.

મૃતદેહો પોસ્ટમોર્ટમ માટે ખસેડાયા

અકસ્માતની (Surendranagar Hit and Run) જાણ થતાં પોલીસે મૃતદેહોને કબજે કર્યા હતા અને પોસ્ટમોર્ટમ માટે સરકારી હોસ્પિટલમાં મોકલ્યા હતા. ઘટનાની કાયદેસરની કાર્યવાહી શરૂ કરવામાં આવી છે. અકસ્મતના પગલે વઢવાણ-લખતર રોડ પર થોડા સમય માટે ટ્રાફિકની સ્થિતિ પણ સર્જાઈ હતી. પોલીસે ઘટનાસ્થળેથી જરૂરી પુરાવા એકત્ર કરીને તપાસ આગળ ધપાવી છે.

પરિવારજનોમાં શોકનો માહોલ

એક જ અકસ્માતમાં માતા, પુત્ર અને ત્યારબાદ પિતાનું મોત થતાં પરિવારજનો અને પરિચિતોમાં ભારે શોકની લાગણી જોવા મળી રહી છે. હાલ પોલીસ અજાણ્યા વાહનચાલકને શોધી રહી છે. CCTV અને અન્ય પુરાવાના આધારે વાહનની ઓળખ થયા બાદ અકસ્માત (Surendranagar Hit and Run) કેવી રીતે સર્જાયો તેની વધુ વિગતો બહાર આવી શકે છે.

આ પણ વાંચો:અમદાવાદમાં બે હિટ એન્ડ રન, 2ના મોત

આ પણ વાંચો:રાજકોટમાં હિટ એન્ડ રન! પારેવડી ચોકમાં વૃદ્ધા પર એસટી વોલ્વો ફરી વળી, દ્રશ્યો CCTVમાં કેદ

આ પણ વાંચો:રાજકોટના મવડી ચોકડી પાસે હિટ એન્ડ રનની ઘટના, થાર ચાલકે દંપતીને મારી ટક્કર