સાંસદનું શંકાસ્પદ મોત: પાકિસ્તાનના સાંસદ અને જાણીતા ટીવી હોસ્ટ આમિર લિયાકત હુસૈનનું નિધન થયું છે. પાકિસ્તાની મીડિયા અનુસાર આમિર લિયાકત હુસૈન કરાચીમાં તેમના ઘરમાં મૃત હાલતમાં મળી આવ્યા છે. આમિર લિયાકત હુસૈન 49 વર્ષના હતા. આમિર લિયાકત ત્રીજા લગ્ન અને છૂટાછેડા બાદ ચર્ચામાં હતા. પાકિસ્તાનના પૂર્વ વડાપ્રધાન ઈમરાન ખાનની પાર્ટી ‘પાકિસ્તાન તહરીક-એ-ઈન્સાફ’ના સાંસદ અમીર લિયાકત પાકિસ્તાનમાં શાહબાઝ શરીફની સરકાર બન્યા બાદ પીટીઆઈ નેતાઓથી દૂર થઈ ગયા હતા.
હોસ્પિટલમાં જવાની ના પાડી
સૂત્ર અનુસાર, આમિર ઘરમાં બેભાન હાલતમાં મળી આવ્યા હતા. ત્યારબાદ તેને નજીકની હોસ્પિટલમાં લઈ જવામાં આવ્યા. આમિરને ગઈ રાતથી જ તકલીફ અને બેચેની થઈ રહી હતી, પરંતુ તેમણે રાત્રે હોસ્પિટલ જવાની ના પાડી દીધી. મીડિયા અનુસાર કર્મચારી જાવેદે જણાવ્યું કે સવારે આમિરના રૂમમાંથી બૂમો પાડવાના અવાજો આવી રહ્યા હતા. જ્યારે આમિર તરફથી કોઈ જવાબ ન મળ્યો તો તમામ કર્મચારીઓ દરવાજો તોડી અંદર ગયા.
તમને જણાવી દઈએ કે આમિર છેલ્લા કેટલાક દિવસોથી ઘણી હેડલાઈન્સમાં રહ્યા હતા. તેમનો એક વાંધાજનક વીડિયો પણ સોશિયલ મીડિયા પર વાયરલ થયો હતો. આ વીડિયો આમિરના રૂમનો હતો જેમાં તે ડ્રગ્સનું સેવન કરતા જોવા મળ્યા હતા. તો જ્યારે આ વીડિયો સોશિયલ મીડિયા પર વાયરલ થયો ત્યારે આમિરે તેની ત્રીજી પત્ની દાનિયા મલિક પર પ્રહારો કર્યા.
પત્નીનો દાવો છે કે આમિર ડ્રગ્સ લેતા હતા
નોંધનીય છે કે આમિરની ત્રીજી પત્ની દાનિયા તેની ઉંમર કરતાં અડધા ઉંમરની છે અને તેણે તાજેતરમાં જ છૂટાછેડા માટે અરજી કરી છે. દાનિયાએ આ વીડિયો લીક કર્યો હતો અને દાવો કર્યો હતો કે તેનો પતિ આમિર ડ્રગ્સ લે છે. આમિરે દાનિયાના આ દાવાને ખોટો ગણાવ્યો હતો કારણ કે દાનિયા એ કહી શકી ન હતી કે રૂમની અંદરનો વીડિયો કોણે રેકોર્ડ કર્યો હતો. તો છૂટાછેડાની અરજી બાદ દાનિયાએ તેનું નામ દાનિયા અમીર મલિકથી બદલીને દાનિયા મલિક કરી દીધું.
આ પણ વાંચો: Rajya Sabha Election 2022/ નવાબ મલિક અને અનિલ દેશમુખને આંચકો, કોર્ટે રાજ્યસભાની ચૂંટણીમાં મતદાનની મંજૂરી ન આપી
