જો તમે સ્વિમિંગ જાણો છો, તો વિશ્વાસ કરો કે, આ સમાચાર તમારામાં નવો આત્મા ભરી દેશે. આ સાથે જે લોકો સ્વિમિંગ બિલકુલ નથી જાણતા તેઓ પણ તેના દસ ફાયદા જાણ્યા પછી સ્વિમિંગ શરૂ કરી દેશે.
કંટાળાજનક શારીરિક વ્યાયામ કરતાં સ્વિમિંગને વધુ સારી કસરત ગણવામાં આવે છે. તરવું ન માત્ર શરીરને ફિટ રાખવામાં મદદ કરે છે પરંતુ તે ઘણી બીમારીઓ સામે પણ રક્ષણ આપે છે. આવો અમે તમને જણાવીએ કે, સ્વિમિંગના ફાયદા તમારા શરીર અને સ્વાસ્થ્ય બંને માટે કેટલા ફાયદાકારક સાબિત થઈ શકે છે.
આ પણ વાંચો: બ્લેક કોફી પીવાના ફાયદા, તમે પણ જાણો…
સ્વિમિંગથી સ્ટેમિના વધે છે
તરવું એ કાર્ડિયો વેસ્ક્યુલર એક્સરસાઇઝ છે. જો તમે દરરોજ અથવા તો અઠવાડિયામાં 4 થી 5 દિવસ સ્વિમ કરો છો, તો તે તમને તમારો સ્ટેમિના વધારવામાં મદદ કરે છે.
માનસિક તણાવમાંથી મુક્તિ
તરવાથી તમારો માનસિક તણાવ ઓછો થાય છે. જો તમે તમારી પર્સનલ લાઈફ કે ઓફિસને લઈને તણાવમાં છો તો સ્વિમિંગ પૂલમાં જઈને સ્વિમિંગ કરવાનું ભૂલશો નહીં.
સ્થૂળતા ઘટાડે છે
દરરોજ સ્વિમિંગ કરવાથી પણ સ્થૂળતા નિયંત્રણમાં રહે છે. તરવાથી શરીરની કેલેરી બર્ન થાય છે, જેના કારણે સ્થૂળતા ઓછી થવા લાગે છે. એક અભ્યાસ અનુસાર, દરરોજ 30 મિનિટ સ્વિમિંગ કરવાથી શરીરમાંથી લગભગ 440 કેલરી ઓછી થાય છે.
આખા શરીરની કસરત
જ્યારે સ્વિમિંગ કરતી વખતે આખા શરીરની તાકાતનો ઉપયોગ કરવામાં આવે છે, ત્યારે તે એક સારી વર્કઆઉટ માનવામાં આવે છે. જો તમને એવી કસરત ગમે છે જેમાં આખા શરીરનો ઉપયોગ થાય છે, તો ચોક્કસપણે સ્વિમિંગથી સારી કોઈ કસરત નથી.
આખા શરીરને આરામ આપે છે
રોજ તરવાથી તમારા શરીર અને મનને ઘણી રાહત મળે છે અને દરરોજ અડધો કલાક સ્વિમિંગ કરવાથી આખું શરીર રિલેક્સ થઈ જાય છે.
શરીર બને છે ફ્લેક્સિબલ
રોજ તરવાથી શરીરમાં ફ્લેક્સિબિલિટી આવે છે, જે સ્વાસ્થ્યની દ્રષ્ટિએ ખૂબ જ સારી માનવામાં આવે છે. આ સિવાય જો સ્વિમિંગ કરવાથી ઉનાળામાં પણ ઠંડકનો આહલાદક અનુભવ થાય છે.
તરવું હૃદયનું ધ્યાન રાખે છે
તરવાથી હૃદયની બીમારીઓ અને બ્લડપ્રેશરનું જોખમ ઓછું થાય છે. જો તમે દરરોજ અડધો કલાક સ્વિમિંગ કરો છો, તો તેનાથી હાર્ટ એટેકનું જોખમ ઘટી જાય છે.
કોલેસ્ટ્રોલ રહે છે કંટ્રોલ
દરરોજ તરવાથી શરીરમાં કોલેસ્ટ્રોલની માત્રા નિયંત્રિત રહે છે. ફિટ રહેવા માટે શરીરમાં કોલેસ્ટ્રોલનું પ્રમાણ ઓછું હોવું જોઈએ. અઠવાડિયામાં પાંચ દિવસ સ્વિમિંગ કરવાથી શરીરમાં કોલેસ્ટ્રોલનું પ્રમાણ સંતુલિત રહે છે.
હાડકાં મજબૂત બને છે
રોજ તરવાથી તમારા શરીરના હાડકાંને મજબૂતી મળે છે, જેનાથી તે મજબૂત બને છે. તરવું ભવિષ્યમાં સંધિવા થવાનું જોખમ પણ ઘટાડે છે.
ગર્ભવતી મહિલાઓ માટે ફાયદાકારક
ગર્ભવતી મહિલાઓ માટે સ્વિમિંગ ફાયદાકારક માનવામાં આવે છે કારણ કે, તે પેટના સ્નાયુઓને મજબૂત બનાવે છે. આ સાથે પીઠના સ્નાયુઓ પણ મજબૂત થાય છે અને આ કારણે, ગર્ભાવસ્થા દરમિયાન બાળકની વજન સહન કરવાની ક્ષમતા વધે છે.
આ પણ વાંચો:ગ્લોઈંગ સ્કિન માટે ચહેરા પર પીનટ સ્ક્રબ લગાવો, પૂછશે સારી સ્કિનનું રહસ્ય….
આ પણ વાંચો:જો તમને આ લક્ષણો દેખાય તો સમજી લેવું કે તમે ગર્ભવતી છો….
