T20 World Cup Final: ક્રિકેટ જગતના સૌથી મોટા મહાકુંભ એટલે કે T20 વર્લ્ડ કપ (World Cup) 2026 હવે તેના અંતિમ પડાવ પર પહોંચી ગયો છે. ભારત અને ન્યુઝીલેન્ડ વચ્ચે રમાનારી આ હાઈ-વોલ્ટેજ ફાઈનલ મેચ પહેલા એક ભવ્ય ક્લોઝિંગ સેરેમનીનું આયોજન કરવામાં આવ્યું છે. મેદાન પર ચોગ્ગા-છગ્ગાની રમઝટ બોલે તે પહેલા બોલિવૂડ અને ગ્લોબલ સ્ટાર્સ પોતાના પર્ફોર્મન્સથી પ્રેક્ષકોને મંત્રમુગ્ધ કરી દેશે. આ સેરેમનીને યાદગાર બનાવવા માટે આઈસીસી (ICC) એ ખાસ તૈયારીઓ કરી છે. T20 વર્લ્ડ કપ 2026 ક્લોઝિંગ સેરેમનીની ખાસ વિગતો..
World Cup માં કયા સ્ટાર્સ કરશે પર્ફોર્મ?:
ક્લોઝિંગ સેરેમનીમાં બોલિવૂડના પાવરહાઉસ રણવીર સિંહ પોતાના એનર્જેટિક ડાન્સથી સ્ટેજ ગજવશે. તેની સાથે ગ્લોબલ મ્યુઝિક સેન્સેશન દુઆ લિપા (Dua Lipa) પણ પર્ફોર્મ કરવાની છે, જે આ ઈવેન્ટનું મુખ્ય આકર્ષણ રહેશે. આ ઉપરાંત જાણીતા સિંગર અરિજિત સિંહ પોતાની મધુર ગાયકીથી સ્ટેડિયમમાં ભક્તિ અને જોશનું વાતાવરણ ઉભું કરશે.
વર્લ્ડ કપની (World Cup) આ મહાજંગ ભારત અને ન્યુઝીલેન્ડ વચ્ચે રમાશે. ક્લોઝિંગ સેરેમની મેચ શરૂ થવાના બે કલાક પહેલા એટલે કે ભારતીય સમય અનુસાર સાંજે 5-30 વાગ્યે શરૂ થશે, જ્યારે મેચનો ટોસ સાંજે 7-00 વાગ્યે ઉછાળવામાં આવશે.
લેઝર શો અને ડ્રોન ડિસ્પ્લે:
સેરેમની દરમિયાન આકાશમાં અદભૂત લેઝર શો અને ડ્રોન ડિસ્પ્લે જોવા મળશે, જેમાં વર્લ્ડ કપની (World Cup) અત્યાર સુધીની સફર અને બંને ફાઈનલિસ્ટ ટીમોની ઝલક બતાવવામાં આવશે. આ શો લગભગ 30 થી 40 મિનિટ સુધી ચાલશે.
આ ભવ્ય સમારોહમાં સચિન તેંડુલકર, મહેન્દ્ર સિંહ ધોની અને રિકી પોન્ટિંગ જેવા દિગ્ગજ પૂર્વ ક્રિકેટરો પણ હાજર રહેશે. ફાઈનલ મેચ પહેલા વર્લ્ડ કપની ટ્રોફી મેદાનની મધ્યમાં લાવવામાં આવશે, જે એક ભાવુક ક્ષણ હશે.
ભારતીય ફેન્સમાં ભારે ઉત્સાહ:
ભારત ફાઈનલમાં પહોંચ્યું હોવાથી સ્ટેડિયમ હાઉસફુલ રહેવાની પૂરી શક્યતા છે. ક્લોઝિંગ સેરેમનીના ટિકિટ દરો પણ આસમાને પહોંચ્યા છે, તેમ છતાં ચાહકોમાં આ ઐતિહાસિક ક્ષણના સાક્ષી બનવા માટે ભારે ક્રેઝ જોવા મળી રહ્યો છે.
મેદાન પર બે ટીમો વચ્ચે યુદ્ધ છે અને સ્ટેજ પર કલાકારોનો જાદુ. રમતગમત અને મનોરંજન જ્યારે સાથે મળે છે ત્યારે તે આખા વિશ્વને એક કરી દે છે. ભારત આ વખતે ટ્રોફી ઘરે લાવે તેવી આશા સાથે આખું દેશ પ્રાર્થના કરી રહ્યો છે.
