ઉત્તર પ્રદેશનાં રાયબરેલીમાં કેટલાક અજાણ્યા લોકોએ ઉર્દૂનાં જાણીતા કવિ મુનવ્વર રાણાનાં પુત્ર પર ગોળીબાર કર્યો હતો. મળતી માહિતી મુજબ સોમવારે રાત્રે બાઇક પર આવેલા કેટલાક અજાણ્યા શખ્સોએ મુનવ્વર રાણાનાં પુત્ર તબરેઝ પર ગોળીબાર કર્યો હતો, જો કે તબરેઝ આ હુમલામાં સાવચેતીથી બચી ગયો હતો.
ડ્રોન એટેક / જમ્મુ એરફોર્સ સ્ટેશન હુમલાની તપાસ ગૃહમંત્રાલયે NIA ને સોંપી, જાણો દેશ માટે કેટલો મોટો ખતરો?
રિપોર્ટ અનુસાર, તબરેઝ રાણા જ્યારે રાયબરેલીનાં ત્રિપુરા વિસ્તાર નજીકથી પસાર થઈ રહ્યો હતો, ત્યારે બાઇક સવાર બદમાશોએ તેમના ઉપર ફાયરિંગ કર્યુ હતુ. બદમાશોએ તબરેઝ પર બે ગોળી ચલાવી હતી અને તે સ્થળ પરથી ભાગી ગયા હતા. ગોળી તબરેઝની એસયુવી પર વાગી હતી અને તે બચી ગયો હતો. આ ઘટના બાદ પોલીસે તબરેઝ આલમનું નિવેદન નોંધીને બનાવની તપાસ શરૂ કરી દીધી છે. આપને જણાવી દઇએ કે, તબરેઝ આલમ ભૂ વેપારી છે, તેણે પોલીસને કહ્યું કે, મારી કોઈની સાથે દુશ્મની નથી. પોલીસ સીસીટીવી ફૂટેજ શોધી રહી છે અને હુમલો કરનારાઓની ઓળખ કરવાનો પ્રયાસ કરી રહી છે.
મહત્વના સમાચાર / જમ્મુ-કાશ્મીર અને લદ્દાખને ભારતથી અલગ બતાવવા બદલ ટ્વિટર ઇન્ડિયાના મેનેજિંગ ડિરેક્ટર મનીષ મહેશ્વરી સામે કેસ નોંધાયો
મળી રહેલી માહિતી અનુસાર, અજાણ્યા શખ્સોએ તબરેઝ રાણા પર બે રાઉન્ડ ફાયરિંગ કર્યું હતું. આ ઘટનાને અંજામ આપી બદમાશો સ્થળ પરથી ભાગી ગયા હતા. આ સનસનીખેજ મામલો થાણા મિલ વિસ્તારનાં ત્રિપુલા ટંકી પાસેનો છે. માહિતી પ્રાપ્ત થઈ છે કે દેશનાં પ્રખ્યાત કવિનાં પુત્ર તબરેઝ રાણા પર આ હુમલો સંપત્તિનાં વિવાદને લઈને કરવામાં આવ્યો છે. આ હુમલા પાછળની સંભાવના કવિ મુનવ્વર રાણાનાં ભાઈ દ્વારા વ્યક્ત કરવામાં આવી રહી છે. આ કેસમાં તબરેઝે સંપત્તિનાં વિવાદમાં કાકા રાફે રાણા, જમીલ રાણા, ઇસ્માઇલ રાણા શકીલ રાણા અને ભત્રીજા યાસીર રાણા પર હુમલો કરાવાની શંકા વ્યક્ત કરી છે. પોલીસે તપાસનાં આધારે જાનલેવા હુમલાનો ગુનો નોંધ્યો છે. આ સાથે હાઇવેની સાઈડ પર સ્થાપિત તમામ સીસીટીવી કેમેરાનાં ફૂટેજ સ્કેન કરવામાં આવી રહ્યા છે જેથી તેમની ચકાસણી કર્યા બાદ ધરપકડ કરી શકાય. આપને જણાવી દઈએ કે, જીવલેણ હુમલાથી બચી ગયેલા તબરેઝ રાણાનાં પિતા મુનવ્વર રાણા દેશનાં પ્રખ્યાત કવિ છે. તેમની એક પુત્રી કોંગ્રેસની નેતા છે અને બીજી પુત્રી સમાજવાદી પાર્ટીની નેતા છે. મુનવ્વર રાણા તે સમયે એકવાર ફરી ચર્ચામાં આવ્યા હતા જ્યારે ત્રીજા એનઆરસી વિવાદમાં તેમની દિકરીઓનાં નામ સામે આવ્યા હતા. ત્યારબાદ મુનવ્વર રાણાની બંને દિકરીઓ રાજકારણમાં ઉતરી ગઈ હતી.
