ભારત અને ઓસ્ટ્રેલિયા વચ્ચે ચાર મેચની ટેસ્ટ સિરીઝની ચોથી અને અંતિમ મેચ બ્રિસ્બેનનાં ગાબા મેદાન પર રમાઇ રહી છે. આ મેચમાં ઓસ્ટ્રેલિયાનાં કેપ્ટન ટિમ પેને ટોસ જીતીને પ્રથમ બેટિંગ કરવાનો નિર્ણય કર્યો હતો. શ્રેણી હાલમાં 1-1 પર છે. સિડનીમાં રમાયેલી ત્રીજી ટેસ્ટ મેચ ડ્રો રહી હતી, જ્યારે મેલબોર્નમાં ભારતે અને એડિલેડમાં ઓસ્ટ્રેલિયાએ જીત મેળવી હતી.

લંચ બ્રેક સુધી ઓસ્ટ્રેલિયાનો સ્કોર 65/2 છે. સ્ટીવ સ્મિથ 30 અને લબુશેન 19 રન બનાવીને ક્રિઝ પર છે. ઓસ્ટ્રેલિયાને પહેલો ઝટકો ડેવિડ વોર્નરનાં રૂપમાં લાગ્યો. મોહમ્મદ સિરાજનાં બોલ પર ડેવિડ વોર્નર રોહિતનાં હાથે કેચ આઉટ થયો. વોર્નર 1 રને આઉટ થયો હતો. ભારતની બીજી સફળતા 8.1 ઓવરમાં મળી. માર્કસ હેરીસે શાર્દુલ ઠાકુરની ઓવરમાં વોશિંગ્ટન સુંદરને કેચ આપ્યો હતો. હેરિસ 5 રન જ બનાવીને પેવિલિયન પહોંચ્યો હતો.

મંતવ્ય ન્યૂઝ દ્વારા જાહેર અપીલ –

દેશ – દુનિયા સહિત ગુજરાતમાં પણ કોરોનાએ જ્યારે ફરી માંથુ ઉચક્યુ છે, ત્યારે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, આ સમયે કોરોનાથી ડરવાની નહીં, પરંતુ સંયમ સાથે વર્તવાની જરુર છે. બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય સંયમ સાથે નિયમોનું પાલન કરી એક જાગૃત નાગરીકની ફરજ બજાવો…