હવે તમે વ્હોટ્સએપનાગ્રૃપમાં કોઈ પણ મેસેજ બોલીને મોકલી શકો છો. જો કે, આ સુવિધા iPhone વપરાશકર્તાઓ માટે જ છે. એટલે કે, જેમની પાસે આઇફોન છે, તેઓ બોલીને વોટ્સએપ ગ્રૃપમાં મેસેજ મોકલી શકે છે. વોટ્સએપ માટે iPhone એપ્લિકેશન અપડેટ કરવામાં આવી છે. હવે જે લોકો પાસે એક આઇફોન છે તે Siri ને કહીને સીધા જ વોટ્સએપ ગ્રૃપમાં મેસેજ મોકલી શકે છે. આ પહેલા પણ Siri ને વોટ્સએપ ગ્રૃપમાં ઇન્ટીગ્રેટ કર્યુ હતુ.
વોટ્સએપ માટે ગ્રૃપ મેસેજ મોકલવા માટે, Siri ને એકટીવેટ કરો અને વોટ્સએપ ગ્રૃપમાં મેસેજ મોકલવા માટે કહો. ત્યાર બાદ, સિરી તમારા ચેટ લિસ્ટમાંથી ગ્રૃપના નામને કન્ફોર્મ કરશે. હવે મેસેજ બોલવો પડશે, ત્યાર બાદ સીરી આ મેસેજને વોટ્સગ્રૃપમાં મોકલશે.
રસપ્રદ વાત તે એ છે નવા iOS નોટિફિકેશનમાં મીડિયા પ્રિવ્યૂ ફિચરને પણ એડ કરવામાં આવ્યું છે. તેની મદદથી ફોટો અથવા જીઆઈએફ જોવા માટે દર વખતે તમારા આઇફોન માં વોટ્સએપને ખોલવાની જરૂર નહીં પડે. એપ્લિકેશન નોટિફિકેશનમાં જ મેસેજનું પ્રિવ્યૂ જોઇ શકાશે. આ ઉપરાંત નોટિફિકેશનથી સીધા મીડિયા ફાઇલ્સને ડાઉનલોડ કરી શકશો. આ નવા ફિચર iOS 10 અને તેની ઉપર પર જ ઉપલબ્ધ થશે.
