Entertainment News: તમિલનાડુ (Tamil Nadu)ના મુખ્યમંત્રી અને ટીવીકે પ્રમુખ Thalapathy Vijay તથા તેમની પત્ની સંગીતાના સંબંધોને લઈને છેલ્લા ઘણા મહિનાથી ચાલી રહેલી ચર્ચાઓ વચ્ચે મહત્વપૂર્ણ સમાચાર સામે આવ્યા છે. પત્ની સંગીતાએ સ્થાનિક પરિવાર અદાલતમાં દાખલ કરેલી છૂટાછેડાની અરજી પરત ખેંચી લીધી છે. આ નિર્ણયથી બંને વચ્ચે સમાધાન થયાના સંકેતો મળી રહ્યા છે અને લાંબા સમયથી ચર્ચામાં રહેલા છૂટાછેડા (Divorce) વિવાદનો અંત આવવાની શક્યતા વ્યક્ત કરવામાં આવી રહી છે. 27 વર્ષના દાંપત્ય જીવન બાદ આવેલા આ નવા વળાંકથી ચાહકો અને સમર્થકોમાં ખુશીનો માહોલ જોવા મળી રહ્યો છે.
Thalapathy Vijay અને પત્ની સંગીતાના સંબંધોને લઈને મહત્વની અપડેટ
થલપતિ વિજય અને સંગીતા વચ્ચે લાંબા સમયથી પારિવારિક મતભેદો ચાલી રહ્યા હોવાના અહેવાલો સામે આવી રહ્યા હતા. આ દરમિયાન સંગીતા (Sangeetha)એ ચેંગલપટ્ટુ ફેમિલી કોર્ટમાં છૂટાછેડાની અરજી દાખલ કરી હતી. જોકે હવે તેમણે પોતાની અરજી પરત ખેંચી લીધી છે. કોર્ટમાં થયેલા આ નવા વિકાસને બંને વચ્ચે સમાધાનની દિશામાં મોટું પગલું માનવામાં આવી રહ્યું છે.
છેલ્લા કેટલાક મહિનાથી આ મામલો રાજકીય તેમજ ફિલ્મ જગતમાં ચર્ચાનો વિષય બન્યો હતો. હવે કેસ પરત ખેંચાતા બંને પરિવારો વચ્ચે મતભેદો દૂર થયા હોવાની ચર્ચા શરૂ થઈ છે. જોકે બંને તરફથી આ મુદ્દે કોઈ સત્તાવાર નિવેદન જાહેર કરવામાં આવ્યું નથી.
અરજીમાં અભિનેત્રી સાથેના સંબંધોના આરોપો મૂકાયા હતા
સંગીતાએ ફેબ્રુઆરીમાં દાખલ કરેલી અરજીમાં દાવો કર્યો હતો કે વિજયના એક અભિનેત્રી સાથે સંબંધો હતા. તેમના જણાવ્યા મુજબ વર્ષ 2021માં આ અંગે જાણ થઈ હતી અને ત્યારબાદ વિજયે સંબંધ સમાપ્ત કરવાનો વિશ્વાસ આપ્યો હતો. જોકે અરજીમાં એવો પણ આક્ષેપ કરવામાં આવ્યો હતો કે બાદમાં પણ આ સંબંધ ચાલુ રહ્યો હતો.
અરજીમાં વધુમાં એવો પણ દાવો કરવામાં આવ્યો હતો કે સંગીતાને સામાજિક અને વ્યવસાયિક જીવનથી દૂર રાખવામાં આવી હતી, જ્યારે વિજય જાહેર કાર્યક્રમો અને વિદેશ પ્રવાસોમાં સંબંધિત અભિનેત્રી સાથે જોવા મળતા હતા. સોશિયલ મીડિયા (Social Media) પર શેર થતી તસવીરોને કારણે પરિવારને માનસિક અને સામાજિક મુશ્કેલીઓનો સામનો કરવો પડ્યો હોવાનો પણ દાવો કરવામાં આવ્યો હતો.
ચાહકથી જીવનસાથી સુધીનો અનોખો સફર ફરી ચર્ચામાં
થલપતિ વિજય અને સંગીતાની પ્રેમકથા દક્ષિણ ભારતીય ફિલ્મ જગતમાં ખૂબ જાણીતી રહી છે. સંગીતા શરૂઆતમાં વિજયની મોટી ચાહક હતી. તેઓ લંડનથી માત્ર વિજયને મળવા માટે ચેન્નઈ આવ્યા હતા અને ફિલ્મના શૂટિંગ દરમિયાન તેમની મુલાકાત થઈ હતી. ત્યારબાદ બંને વચ્ચે મિત્રતા થઈ અને વર્ષ 1999માં લગ્ન કર્યા હતા.
સંગીતા મૂળ શ્રીલંકન તમિલ પરિવારમાંથી આવે છે અને તેમનો ઉછેર યુકેમાં થયો હતો. લગ્ન પછી તેઓ હંમેશા મીડિયા અને જાહેર જીવનથી દૂર રહી પરિવારને પ્રાથમિકતા આપતી આવી છે. હવે છૂટાછેડાની અરજી પરત ખેંચાતા બંનેના 27 વર્ષ જૂના સંબંધમાં ફરી સ્થિરતા આવવાની આશા વ્યક્ત કરવામાં આવી રહી છે.
આ પણ વાંચો:તમિલનાડુમાં રાજકીય ઘમાસાણ: ‘થલાપતિ’ વિજયના 10 લાખ કરોડ દેવાના નિવેદન પર સ્ટાલિન ભડક્યા
આ પણ વાંચો:તમિલનાડુમાં નવી સરકાર પર સસ્પેન્સ! VCKએ વિજયની TVK સામે મૂકી મોટી શરત
આ પણ વાંચો:‘મારી પાસે ઘર નથી’…સાસરામાં રહેવાનો હક માંગ્યો..! થલાપતિ વિજયની પત્નીએ કોર્ટમાં આપી અરજી…
