કોલકાતા નાઈટ રાઈડર્સ (KKR) નાં માર્ગદર્શક ડેવિડ હસીએ બુધવારે મેચ પછીની પત્રકાર પરિષદમાં સંકેત આપ્યો હતો કે સ્ટાર વેસ્ટ ઈન્ડિઝનાં ઓલરાઉન્ડર આન્દ્રે રસેલ ઈન્ડિયન પ્રીમિયર લીગ (IPL) ની 2021 આવૃત્તિની ફાઇનલમાં ચેન્નઈ સુપર કિંગ્સ સામે રમી શકે છે.
આ પણ વાંચો – Cricket / IPL માં શાનદાર પ્રદર્શન કરનારા ખેલાડીઓને મળી શકે છે ન્યૂઝીલેન્ડ વિરુદ્ધ રમવાની તક
IPL ની અંતિમ મેચ આજે દુબઈ ઈન્ટરનેશનલ ક્રિકેટ સ્ટેડિયમમાં ચેન્નઈ સુપર કિંગ્સ (CSK) અને કોલકાતા નાઈટ રાઈડર્સ (KKR) વચ્ચે રમાવાની છે. આ મેચ દુબઈમાં રમાવાની છે, તેથી આન્દ્રે રસેલ બોલિંગ અને બેટિંગની દ્રષ્ટિએ ખૂબ મહત્વનો સાબિત થઈ શકે છે. રસેલ ઈજાને કારણે છેલ્લી કેટલીક મેચોમાં રમી શક્યો નથી. ટીમનાં માર્ગદર્શક ડેવિડ હસ્સીએ ફાઇનલમાં રમી શકશે કે કેમ તે અંગે અપડેટ આપ્યું છે. હસીએ કહ્યું કે તેની હાલત કેવી છે તે જાણ્યા બાદ જ નિર્ણય લઇ શકાય છે. દુબઇમાં જો રસેલ તેની હેમસ્ટ્રિંગની ઈજામાંથી સ્વસ્થ થઈ જાયછે તો શાકિબ અલ હસનની જગ્યાએ તેને તક મળી શકે છે. હસીએ કહ્યું, ‘તેણે બીજી ક્વોલિફાયર મેચ પહેલા બોલિંગ કરી હતી. મને લાગે છે કે તે ચોક્કસપણે ફાઇનલમાં પસંદગી માટે ચર્ચામાં રહેશે. અમારો તબીબી સ્ટાફ ઉત્તમ છે અને મને તેમના પર સંપૂર્ણ વિશ્વાસ છે. આન્દ્રે પોતે રમવા માટે આતુર છે અને જો આવું થાય તો તે આનંદદાયક બનશે.
આ પણ વાંચો – World Cup / વર્લ્ડકપમાં ભારત સામે 12 વાર હાર્યા બાદ પણ પાકિસ્તાનનું નથી તૂટી રહ્યું ઘમંડ, બાબરે શું કર્યો મોટો દાવો ?
પૂછવામાં આવ્યું કે શું ટીમ મિડલ ઓર્ડરથી ચિંતિત છે, તો હસીએ કહ્યું, “ના, હું ચિંતિત નથી કારણ કે તે બધા સારા ખેલાડીઓ છે. તેઓ જાણે છે કે કેવી રીતે રમવું. ત્યાંની પીચ અલગ છે, તેમને 200 નો સ્ટ્રાઇક રેટ નથી મળી રહ્યો. એટલા માટે “તેમને 110-120 નાં સ્ટ્રાઈક રેટ સાથે રમવાનું મળ્યું છે અને કદાચ, ચિંતા કરશો નહીં, અમે આત્મવિશ્વાસ સાથે દુબઈ જઈ રહ્યા છીએ અને તમે ક્યારેય જાણતા નથી કે શું થશે.”
