Rajkot News : રાજકોટ જિલ્લાના ઉપલેટા શહેરમાં ગમખ્વાર ઘટના સામે આવી છે. શહેરની ભાદર નદીમાંથી એક અજાણ્યા પુરુષનો મૃતદેહ મળી આવતા ખળભળાટ મચી ગયો છે. આ ઘટનાની જાણ થતા જ સ્થાનિક પોલીસ અને મામલતદાર તાત્કાલિક ઘટનાસ્થળે દોડી આવ્યા હતા અને તપાસ શરૂ કરી હતી.
પ્રાપ્ત માહિતી અનુસાર, ગત મોડી રાત્રે કોઈ અજાણ્યો યુવક ભાદર નદીમાં ડૂબી ગયો હોવાની આશંકા છે. જો કે, તે કોણ હતો અને કેવી રીતે ડૂબ્યો તે અંગે હજુ સુધી કોઈ સ્પષ્ટ માહિતી મળી શકી નથી. આજે સવારે સ્થાનિક તરવૈયાઓની મદદ લેવામાં આવી હતી અને તેમના દ્વારા નદીમાં શોધખોળ હાથ ધરવામાં આવી હતી. આ શોધખોળ દરમિયાન જ અજાણ્યા પુરુષનો મૃતદેહ મળી આવ્યો હતો.
મૃતદેહને નદીમાંથી બહાર કાઢીને પોસ્ટમોર્ટમ માટે મોકલી દેવામાં આવ્યો છે. પોલીસ હાલમાં આ મૃતદેહની ઓળખ મેળવવા માટે પ્રયાસ કરી રહી છે. આ માટે આસપાસના વિસ્તારોમાં ગુમ થયેલા લોકોની માહિતી મેળવવામાં આવી રહી છે. પોલીસ એ પણ તપાસ કરી રહી છે કે આ યુવકે આત્મહત્યા કરી છે કે પછી કોઈ દુર્ઘટનાનો ભોગ બન્યો છે.
ઉપલેટાના મામલતદાર અને પોલીસ અધિકારીઓ ઘટનાસ્થળે હાજર રહીને સમગ્ર પરિસ્થિતિનું નિરીક્ષણ કરી રહ્યા છે. પોલીસ દ્વારા આ ઘટના અંગે વધુ તપાસ હાથ ધરવામાં આવી છે અને ટૂંક સમયમાં જ આ મામલે વધુ માહિતી સામે આવે તેવી શક્યતા છે.
આ ઘટનાને પગલે ઉપલેટા શહેરમાં શોકનું મોજુ ફરી વળ્યું છે. અજાણ્યા યુવકના મૃતદેહ મળવાના સમાચારથી લોકોમાં ગમગીની છવાઈ ગઈ છે. પોલીસ દ્વારા લોકોને અપીલ કરવામાં આવી છે કે જો કોઈને આ મૃતક યુવક વિશે કોઈ માહિતી હોય તો તેઓ પોલીસનો સંપર્ક કરી શકે છે. હાલમાં પોલીસ તમામ પાસાઓને ધ્યાનમાં રાખીને તપાસ કરી રહી છે અને મૃતકની ઓળખ સ્થાપિત કરવા માટે પ્રયત્નો ચાલુ છે. આ ઘટના અંગે વધુ વિગતો જાણવા માટે સૌ કોઈ રાહ જોઈ રહ્યા છે.
અગાઉ, રાજકોટના જેતપુરમાં ગાલોરિયા નદીમાંથી બાળકનો નદીમાંથી મૃતદેહ મળી આવ્યો હતો. સ્થાનિક તરવૈયાની મદદથી ગાલોરિયા નદીમાંથી દોઢ માસના બાળકનો મૃતદેહ બહાર કાઢવામાં આવ્યો હતો. બાળકનો મૃતદેહ મળી આવવાનો મામલો સામે આવતા તાલુકા પોલીસ ઘટના સ્થળ પર પંહોચી તપાસ હાથ ધરી હતી. પોલીસે બાળકના મૃતદેહને પોસ્ટ મોર્ટમ માટે સરકારી હોસ્પિટલમાં મોકલી આપ્યો હતો.
@ Vimal Sondarva, Dhoraji
આ પણ વાંચો: વડોદરા સાવલી નદીમાંથી યુવતીનો મૃતદેહ મળી આવ્યો, હત્યા થઈ હોવાની શંકા
આ પણ વાંચો: સુરતમાં તાપી નદીમાંથી યુવતીનો મૃતદેહ મળ્યો
આ પણ વાંચો: જામનગરમાં બેડ નદીમાંથી યુવાનનો મૃતદેહ મળી આવ્યો
