Washington: જાન્યુઆરી 2022માં કેનેડાથી અમેરિકામાં પ્રવેશવાનો પ્રયાસ કરતી વખતે જીવ ગુમાવનાર ગુજરાતી પટેલ પરિવારના કેસમાં બે આરોપીઓની સુનાવણી 18 નવેમ્બરથી શરૂ થશે. મૃતકોમાં ગુજરાતના ડીંગુચા ગામના જગદીશ પટેલ, તેમની પત્ની વૈશાલી પટેલ અને તેમના બે બાળકો, 11 વર્ષીય વિહાંગી અને ત્રણ વર્ષની રિહાલીનો સમાવેશ થાય છે.
તાપમાન -38 ડિગ્રી સેલ્સિયસ સુધી ગગડી જતાં તેને તીવ્ર ઠંડીનો સામનો કરવો પડ્યો હતો. બંને આરોપીઓ પર અમેરિકામાં માનવ તસ્કરીના ઓપરેશનનો ભાગ હોવાનો આરોપ છે. જોકે, બંનેએ પોતાને નિર્દોષ જાહેર કર્યા છે. માનવ તસ્કરીની કથિત રિંગ ચલાવવાના આરોપી દલાલ હર્ષકુમાર પટેલ ઉર્ફે ડર્ટી હેરી અને સ્ટીવ સેન્ડ નામના બે વચેટિયાઓની ટ્રાયલ 18 નવેમ્બરથી શરૂ થશે.
હર્ષ કુમાર પટેલ ઉર્ફે ડર્ટી હેરી અમેરિકાથી લોકોના ગેરકાયદેસર રીતે કેનેડામાં સ્થળાંતર કરવા પાછળનો મુખ્ય સૂત્રધાર હતો અને સ્ટીવ સેન્ડ એ ડ્રાઈવર હતો જેને હર્ષ પટેલે તેની મદદ માટે રાખ્યો હતો. મિનેસોટામાં વાન સુધી પહોંચવાની આશામાં પરિવાર રાતભર ચાલતો રહ્યો.
સેન્ડે કેનેડામાં તેના સાથીદારોને ચેતવણી આપી હતી કે દરેક વ્યક્તિ ખતરનાક પરિસ્થિતિઓ માટે તૈયાર છે તે સુનિશ્ચિત કરવામાં આવે. ફેડરલ પ્રોસિક્યુટર્સે જણાવ્યું હતું કે બંનેએ પાંચ અઠવાડિયા સુધી સાથે કામ કર્યું હતું. તેમના એવો આરોપ છે કે તે હંમેશા કડકડતી ઠંડી વિશે વાત કરતો હતો. તેની છેલ્લી સફર પર સેન્ડે સંદેશ આપ્યો કે માઇનસ 16 ડિગ્રી નરક છે. 19 જાન્યુઆરી, 2022 ના રોજ, સેન્ડે પટેલ પરિવાર અને અન્ય 11 ભારતીયોને લેવાના હતા, જેમાંથી માત્ર સાત જ બચ્યા હતા. કેનેડિયન અધિકારીઓએ પરિવારના તમામ સભ્યોના મૃતદેહ શોધી કાઢ્યા હતા.
આ પણ વાંચો: કેનેડા બાદ હવે વધુ એક પશ્ચિમી દેશમાં શરૂ થયું ભારત વિરોધી કામ, ભારતીયો વિરુદ્ધ ષડયંત્રનો ખુલાસો
આ પણ વાંચો: કેનેડામાં ધરપકડ કરાયેલા ખાલિસ્તાની અર્શ દલ્લાને ભારત લાવવામાં આવશે? સુરક્ષા એજન્સીઓ એક્શનમાં
