સરકાર 1 જુલાઈથી નવો લેબર કોડ લાગુ કરવાની તૈયારી કરી રહી છે. શ્રમ સંહિતાના અમલીકરણ સાથે નોકરી કરતા લોકો માટે ઘણા ફેરફાર કરવામાં આવશે. નવા કાયદાના અમલ સાથે, પીએફ અને ગ્રેચ્યુઇટી જેવા નિવૃત્તિ લાભો વધશે. આ ઉપરાંત સાપ્તાહિક રજાઓ પણ બેથી ત્રણ વધી શકે છે. આ કોડ લાગુ થયા પછી નોકરી છોડ્યાના બે દિવસમાં કોઈપણ કંપની પાસેથી સંપૂર્ણ પૈસા મળી જશે.
હાલમાં, સંપૂર્ણ અને અંતિમ ચુકવણી માટે 30 થી 60 દિવસ (સરેરાશ 45 દિવસ) લાગે છે. નવા લેબર કોડ હેઠળ, કંપનીએ કર્મચારીઓને રજા, બરતરફ, છટણી અને રાજીનામું આપ્યાના બે દિવસમાં ચૂકવણી કરવાની રહેશે. નવા લેબર કોડમાં ઇન-હેન્ડ સેલરી એટલે કે ટેક હોમ સેલરીમાં ઘટાડો થશે અને કામના કલાકો વધશે.
નવા લેબર કોડમાં બીજું શું છે
નવા લેબર કોડ્સ વેતન, સામાજિક સુરક્ષા, ઔદ્યોગિક સંબંધો અને વ્યવસાયિક સલામતી સાથે સંબંધિત છે. કેન્દ્ર સરકારે ફેબ્રુઆરી 2021માં જ આ ચાર કોડનો અંતિમ ડ્રાફ્ટ તૈયાર કર્યો હતો, અત્યાર સુધીમાં 23 રાજ્યોએ આ કાયદાઓના પૂર્વ-પ્રકાશિત ડ્રાફ્ટને અપનાવ્યો છે. કેન્દ્ર સરકાર ઈચ્છે છે કે તમામ રાજ્યો આ ચાર ફેરફારો એક સાથે લાગુ કરશે
કામના કલાકો વધશે
નવા લેબર કોડમાં બીજો મહત્વનો ફેરફાર કામના કલાકોને લગતો છે. તે મુજબ, સરકારે અઠવાડિયામાં ચાર દિવસ કામ અને ત્રણ રજાઓનો પ્રસ્તાવ મૂક્યો છે. આ સાથે દરરોજ કામકાજના કલાકો વધારવાની પણ વાત કરવામાં આવી છે. જો નવો લેબર કોડ અમલમાં આવશે, તો તમારે દિવસમાં 12 કલાક કામ કરવું પડશે. સરકારનો પ્રસ્તાવ છે કે કર્મચારીએ અઠવાડિયામાં ઓછામાં ઓછા 48 કલાક કામ કરવું જોઈએ.
પીએફ વધુ કપાશે
પીએફમાં કર્મચારીનું યોગદાન વધશે કારણ કે નવા પ્રસ્તાવ મુજબ, બેઝિક સેલરીમાંથી અડધો ભાગ પીએફ તરીકે કાપવામાં આવશે, જે ટેક હોમ સેલરીમાં ઘટાડો કરશે. આનો એક ફાયદો એ થશે કે નિવૃત્તિ સમયે કર્મચારીને મોટી રકમ મળશે, જે વૃદ્ધાવસ્થામાં મોટો સહારો બની રહેશે. ખાનગી ક્ષેત્રમાં કામ કરતા લોકો માટે આ ફાયદાકારક સાબિત થશે.
