બુધવારે (5 ઓક્ટોબર) વિશ્વ આરોગ્ય સંસ્થા (WHO) એ ભારતની એક ફાર્માસ્યુટિકલ કંપનીને લઈને એલર્ટ જાહેર કર્યું છે. ગામ્બિયામાં 66 બાળકોના મોત બાદ WHOનું કહેવું છે કે ભારતમાં બનેલી ચાર શરદી અને કફ સિરપ બાળકો માટે ઘાતક સાબિત થઈ શકે છે. આ સિરપ ભારતની મેડિન ફાર્માસ્યુટિકલ્સ લિમિટેડ કંપની દ્વારા બનાવવામાં આવે છે. આ પછી કંપની સામે તપાસ શરૂ કરવામાં આવી છે.
ડબ્લ્યુએચઓ અનુસાર, આ 66 બાળકોના મૃત્યુમાં સમાન પેટર્ન સામે આવી હતી. તે તમામ 5 વર્ષથી ઓછી ઉંમરના હતા, જેઓ કફ સિરપ લીધાના 3 થી 5 દિવસ પછી બીમાર પડી ગયા હતા. આ સાથે જણાવવામાં આવ્યું હતું કે ચારેય કફ સિરપમાં ડાયથિલિન ગ્લાયકોલ અને ઇથિલિન ગ્લાયકોલનું પ્રમાણ નિર્ધારિત જથ્થા કરતાં વધુ હોવાનું જાણવા મળ્યું છે.
ઈન્ડિયન મેડિકલ એસોસિએશન (આઈએમએ)ના રાષ્ટ્રીય અધ્યક્ષ ડૉ. સહજાનંદ પ્રસાદ સિંહે કહ્યું કે સમગ્ર મામલાની તપાસ થવી જોઈએ. જ્યારે પણ ભારત કોઈ અન્ય દેશમાં દવા મોકલશે ત્યારે તેની તપાસ કરવામાં આવશે, પછી એ પણ જોવાનું રહેશે કે કફ સિરપ સાથે અન્ય કોઈ દવા મોકલવામાં આવી છે કે કેમ. ડબ્લ્યુએચઓએ તમામ પુરાવા આપવા જોઈએ જેથી નિષ્કર્ષ પર પહોંચી શકાય, કારણ કે તે દેશની પ્રતિષ્ઠાનો પ્રશ્ન છે. જયારે ભારતીય આરોગ્ય મંત્રાલય અને ડ્રગ કંટ્રોલર જનરલ ઓફ ઈન્ડિયા (DGCI) ના સૂત્રો કહે છે કે તપાસ કરવામાં આવી રહી છે.
હરિયાણાના સ્વાસ્થ્ય મંત્રી અનિલ વિજે કહ્યું કે કંપની દ્વારા ઉત્પાદિત ચાર પ્રકારના કફ સિરપના સેમ્પલ કોલકાતાની સેન્ટ્રલ ફાર્માસ્યુટિકલ લેબોરેટરી (CDAL)માં મોકલવામાં આવ્યા છે. “હરિયાણાના DCGI અને ફૂડ એન્ડ ડ્રગ્સ એડમિનિસ્ટ્રેશન વિભાગ દ્વારા નમૂનાઓ એકત્રિત કરવામાં આવ્યા હતા અને કોલકાતામાં CDLને મોકલવામાં આવ્યા હતા, વેચાણ માટે તે ઉપલબ્ધ નથી. જે પણ પગલા ભરવાના હશે તે સીડીએલના રિપોર્ટ બાદ લેવામાં આવશે.
સરકારનું શું કહેવું છે
- ભારતની કોઈપણ દવા, જ્યારે તે અન્ય કોઈપણ દેશમાં જાય છે, ત્યારે તે તેને બજારમાં વેચતા અથવા વાપરતા પહેલા તેનું પરીક્ષણ કરે છે. આવી સ્થિતિમાં જયારે ગેમ્બિયામાં ચેકિંગ કરવામાં આવ્યું તે કેમ જાણ થઇ નહીં
- WHO એ જણાવવું જોઈએ કે શું આ ચારેય દવાઓનો ઉપયોગ ટેસ્ટિંગ વગર કરવામાં આવ્યો હતો.
- મેડિન ફાર્માસ્યુટિકલ્સની દવાઓના નમૂનાઓનું દેશની કેન્દ્રીય અને પ્રાદેશિક દવા લેબમાં પરીક્ષણ કરવામાં આવશે, જેના પરિણામો આગામી બે દિવસમાં આવશે.
- આરોગ્ય મંત્રાલય એ પણ તપાસ કરી રહ્યું છે કે શું આ ચારેય શરદી અને ઉધરસની સિરપ ગામ્બિયા ગઇ હતી કે અન્યત્ર મોકલવામાં આવી હતા.
- મેડિન ફાર્માસ્યુટિકલ્સને ડ્રગ્સ એન્ડ કોસ્મેટિક્સ એક્ટ હેઠળ હરિયાણા ડ્રગ કંટ્રોલર દ્વારા નિકાસ માટે દવા બનાવવાનું લાઇસન્સ આપવામાં આવ્યું હતું.
- SOP અનુસાર, જો WHO કોઈ દેશની દવાને લઈને તેની સહાયક કંપની હોવાને લઈને કોઈ માર્ગદર્શિકા અથવા સલાહ આપે છે, તો તેણે તે દેશના નિયમનકાર સાથે દવાના લેબલનો ફોટો શેર કરવો પડશે. 6 દિવસ પછી પણ WHOએ પેકેજિંગ લેબલનો ફોટો અને બેચની માહિતી DGCIને આપી નથી. ડીજીસીઆઈએ ચાર દિવસ પહેલા આ અંગે વર્લ્ડ હેલ્થ ઓર્ગેનાઈઝેશનની જીનીવા ઓફિસને ઈમેલ પણ મોકલ્યો હતો.
